Հայ Ազգային Կոնգրեսի և մեծամասնական կարգով առաջադրված թիվ 11 ընտրատարածքի պատգավորության թեկնածու Արշակ Բանուչյանի վստահված անձանց տվյալներով՝ ժամը 14:00-ի դրությամբ 11-րդ ընտրատարածքում ընտրատեղամասեր են այցելել ու իրենց քաղաքացիական պարտքն է կատարել 23,219 քաղաքացի: Ամենացածր ցուցանիշն արձանագրվել է 11/36 ընտրատեղամասում (357 քվեարկություն), ամենաշատը՝ 11/28 ընտրատեղամասում (796 քվեարկություն):

Ընտրատարածքային կենտրոնի տվյալներով, նույն ժամի դրությամբ քվեարկությանը մասնակցել է 23,251 քաղաքացի:

Եթե ողջ ընտրատարածքում քվեարկածների թիվը Արշակ Բանուչյանի վստահված անձանց ու ընտրատարածքային կենտրոնի տվյալներով գրեթե համընկնում է, ապա առանձին տեղամասերում կան կտրուկ տարբերություններ: Մասնավորապես 11/01 ընտրատեղամասում Արշակ Բանուչյանի վստահված անձի տվյալով 670 է (ժամը 11:45-ի տվյալով 470 մասնակից), ապա նույն ընտրատեղամասում ընտրատարածքային կենտրոնի տվյալներով քվեարկությանը մասնակցածների թիվը 950 է (ժամը 11:00-ի տվյալով 375): Նման տարբերություններ կան նաև այլ տեղամասերում, մասնավորապես՝ 11/32-ում տարբերությունը 80 է, իսկ 11/34-ում տարբերությունը 50 է: Այլ տեղամասերում տարբերությունները առավել քիչ են, հիմնականում ավելի բարձր են Արշակ Բանուչյանի վստահված անձանց ներկայացրած տվյալները:

Այդ մասին հաղորդում են Արշակ Բանուչյանի շտաբից: