Իտալիայում մահափորձ են կատարել Ansaldo Nucleare իտալական ատոմային ընկերության ղեկավարի նկատմամբ, հաղորդում է Reuters–ը։ Ռոդենո Ադինոլֆին հարձակման հետևանքով ծանր վիրավորվել է ատրճանակի կրակոցից։

Ոստիկանությունը հայտնել է, որ միջուկային էներգիայի ոլորտով զբաղվող գործարարի նկատմամբ հարձակումը տեղի է ունեցել իտալական Ջենոա քաղաքի՝ նրա բնակարանի մոտ։ Երկու անհայտ անձինք մոտոցիկլետով մոտեցել են գործարարին և երեք անգամ կրակել նրա ուղղությամբ, սակայն երկու դրանցից միայն մեկն է դիպել Ադինոլֆին՝ աջ ոտքի հատվածում։

Ոստիկանության ներկայացուցիչը հայտնել է, որ ոտքին կրակելը «Կարմիր ջոկատայիններ» ձախ ահաբեկչական խմբավորմանը հատուկ տարբերակիչ երևույթ է, որը 1970-1980-ականներին ակտիվորեն գործել է Իտալիայում և եվրոպական մի շարք այլ երկրներում։ 

Մեկ այլ վարկածով՝ հնարավոր է հարձակումը կազմակերպված լինի տեղի անարխիստների կողմից, որոնք պայքարում են «կապիտալիզմի դեմ»։ 

Ansaldo Nucleare–ը Իտալիայի խոշորագույն արդյունաբերական Ansaldo Energia հոլդինգի մեջ մտնող ընկերություններից է, որն իր հերթին վերահսկում է ռազմա–արդյունաբերական սարքավորումների և ռազմական տեխնիկայի Finmeccanica խոշոր ընկերությունը։