Խախտումներ եղել են, բայց ընտրությունների արդյունքների վրա չեն ազդել. «Ընտրությունը քոնն է»
ՀասարակությունՄայիսի 6-ի խորհրդարանական ընտրությունների օրն արձանագրվել է խաղաղ և հավասարակշռված մթնոլորտ՝ գերազանցապես ընտրական ընթացակարգերի պահպանմամբ: Սա «Ընտրությունը քոնն է» հասարակական կազմակերպության դիտորդական առաքելության արդյունքներն են:
Կազմակերպության շուրջ 4000 դիտորդները դիտարկումներ են անցկացրել 1975 ընտրատեղամասերում: Լրագրողների հետ հանդիպմանը հ/կ-ի նախագահ Հարություն Համբարձումյանը հայտարարեց, որ տեղամասերի գերակշռող մասում քվեարկության գործըթնացն անցկացվել է ազատ, արդար և թափանցիկ՝ միաժամանակ նշելով, որ դիտորդները դիտարկել են մի շարք անճշտություններ և խախտումներ:
Հարցին, թե արդյոք դիտորդական կազմակերպության հայտնաբերած խախտումներն ազդե՞լ են ընտրությունների արդյունքների վրա, Հարություն Համբարձումյանը պատասխանեց.
«Եթե տոկոսային հարաբերությամբ դիտարկենք այն տեղամասերի թիվը, որտեղ խախտումներ են եղել, կտեսնենք, որ դա այդ տոկոսը չի կազմում: Մտահոգիչ փաստ է, որ այդ խախտումները եղել են, բայց ասել, թե դրանք ազդել են ընտրությունների արդյունքի վրա, չի կարելի», - նշեց Համբարձումյանը: