Շիրակի մարզի դատախազը հանձնարարել է՝ պարզել ընտրակաշառք բաժանողների և ստացողների ինքնությունը

2012-05-08 20:54:18

«Գալա» հեռուստաընկերության՝ 2012թ. մայիսի 6-ին ցուցադրած տեսանյութի համաձայն՝ ՀՀ Ազգային ժողովի՝ 2012թ. մայիսի 6-ին՝ ժամը 18:00-ի սահմաններում, Գյումրի քաղաքի «Շարլ Ազնավուրի» անվան հրապարակում «Գազել» մակնիշի ավտոմեքենայի շուրջ քաղաքացիներ են հավաքված եւ ըստ հեռուստաընկերության հաղորդման՝ ընտրակաշառք են բաժանում:

Ընտրակաշառք բաժանելու հանգամանքը պարզելու, ավտոմեքենայի մեջ գտնված եւ եւ դրա շուրջ հավաքված քաղաքացիների ինքնությունը պարզելու համար 06.05.2012թ. Շիրակի մարզի դատախազը հանձնարարել էր ՀՀ ոստիկանության Գյումրու բաժնի պետ Վ. Շաշիկյանին օպերատիվ-հետախուզական միջոցառումներ ձեռնարկել:

Նկատի ունենալով, որ մինչ օրս նշված անձանց ինքնությունները չեն պարզվել եւ քննության չեն ներկայացվել Շիրակի մարզի դատախազը 08.05.2012թ. կրկին հանձնարարել է սեղմ ժամկետում ակտիվ օպերատիվ-հետախուզական միջոցառումներ ձեռնարկել «Գազել» մակնիշի ավտոմեքենայում գտնված եւ ավտոմեքենայի շուրջ հավաքված անձանց ինքնությունը պարզելու, նրանց հայտնաբերելու եւ քննության ներկայացնելու ուղղությամբ:

Դիտվել է 665 անգամ:
Լրահոս
18 Սեպ
Ողջ լրահոսը...>>
Ամենաշատ ընթերցվածը