ՀՀԿ-ին մոտ կանգնած «ՉԻ» աղբյուրները փոխանցում են, որ երեկ ուշ երեկոյան «Հարսնաքար» ռեստորանային համալիրում մեծանուն ՀՀԿ-ականների մակարդակով քննարկվել է ապագա ԱԺ նախագահի հարցը: ՀՀԿ-ականների մի զգալի մասը կարծիք է հնչեցրել, որ ավելի ճիշտ ու տեղին կլինի, որպեսզի այդ պաշտոնը այնուամենայնիվ ստանձնի ՀՀ վարչապետ Տիգրան Սարգսյանը, իսկ մի մասն էլ խորապես համոզված է եղել, որ ոսկե միջին տարբերակը այդ «պոստում» Դավիթ Հարությունյանի հաստատումն է, քանի որ իրավիճակային այդ լուծումն ընդհանուր հանդարտություն կմտցնի ՀՀԿ-ի ներսում: Ավելին, ՀՀԿ-ական Դերենիկ Դումանյանն էլ իր հերթին նկատել է. «Պետք չի ժամանակից առաջ ընկնել ու զուր որոշումներ կայացնել, քանի որ այդ հարցը արդեն համարյա թե լուծված վերջացած է»:

Ի լրումն Դումանյանի, մեկ այլ ՀՀԿ-ական էլ, ով այս օրերին փորձում է «արջի ծառայություններ» մատուցել վարչապետ Սարգսյանին, ասել է. «Տիգրան Սարգսյանը պետք է գնա խորհրդարան, իսկ Դավիթ Հարությունյանն էլ նստի ու իրա համար օրենքներ մշակի»: