Ես բարոյախոս չեմ, «զակոննիկ» էլ չեմ. Ահարոն Ադիբեկյան

2012-05-09 13:04:16

«Սոցիոմետր» սոցիոլոգիական կենտրոնի տնօրեն Ահարոն Ադիբեկյանն վերջերս իր տված ասուլիսներից մեկի ժամանակ հայտարարել էր, թե երկուսուկես միլիոն դոլար ընտրակաշառք է բաժանվել: Այսօր էլ Կենտրոնական ընտրական հանձնաժողովի նախագահ Տիգրան Մուկուչյանը լրագրողների հետ հանդիպման ժամանակ անդրադառնալով Ադիբեկյանի հայտարարությանը՝ Ադիբեկյանից պահանջել էր ներկայացնել փաստեր:

«Ես հետազոտություններ եմ իրականացնում, դատախազություն չեմ, որ փաստեր ներկայացնեմ»,- ի պատասխան հայտարարեց Ադիբեկյանը:

Լրագրողների այն դիտարկմանը, թե երբ պատվիրատուները հարցնում են՝ կաշառք բաժանեն, թե ոչ, ինչու չեք ասում, որ դա օրենքով արգելված է, Ադիբեկյանը պատասխանեց.

«Ես բարոյախոս չեմ, «զակոննիկ» էլ չեմ: Ես պատվիրատուին ասում եմ, որ մարդկանց էսքան տոկոսը սպասում է նյութական աջակցության: Բոլոր ընտրություններում հաղթում է նյութականը: Բոլոր երկրներում»,- եզրափակեց բանախոսը:

Դիտվել է 692 անգամ:
Լրահոս
2 Սեպ
Ողջ լրահոսը...>>
Ամենաշատ ընթերցվածը