Օբաման թոշակի անցնելուց հետո պատրաստվում Է հանգստանալու ուղեւորվել Վիետնամ
ԱՄՆՄիացյալ Նահանգների նախագահ Բարաք Օբաման մայիսի 23-ին հայտարարել Է, որ թոշակի անցնելուց հետո մտադիր Է ընտանիքի հետ հանգստանալու ուղեւորվել Վիետնամի Սոցիալիստական Հանրապետություն (ՎՍՀ): Ինչպես տեղեկացնում Է «Արմենպրես»-ը, այդ մասին պետության ղեկավարը հայտնել Է Վիետնամի մայրաքաղաքում անցկացված համատ եղ մամուլի ասուլիսում՝ պատասխանելով լրագրողների հարցերին:
«Ափսոսում եմ, որ Վիետնամ իմ ուղեւորությունն ավելի շուտ չի կայացել: Հնարավոր Է՝ արժե, որ ես արտահայտվեմ որպես ամերիկացի եւ ասեմ, որ ամենալավ բաները մենք թողնում են հետոյին,-ընդգծել Է Օբաման:-Ափսոս, բազմաթիվ հանդիպումների պատճառով ինձ չհաջողվեց ավելի մոտիկից ծանոթանալ այս երկրի հետ: Երբ թոշակի անցնեմ, այստեղ կնոջս ու երեխաներիս հետ ավելի շատ ժամանակ կանցկացնեմ, կշրջագայեմ շատ վայրերում, կփորձեմ վիետնամական բոլոր ազգային ճաշատեսակները»:
ԱՄՆ-ի նախագահը նշել Է, որ ՎՍՀ-ն համարում Է արտաքին քաղաքական ասպարեզի կարեւոր մասնակիցը: «Մի քանի տասնյակ տարի առաջ մենք երդվյալ թշնամիներ Էինք. իսկ այժմ դարձել ենք բարեկամներ,-հավելել Է նա:-Վիետնամը հաջողությամբ Է զարգանում, այստեղ շատ են նորաստեղծ ընկերությունները, որոնք հարուստ ինովացիոն ներուժ ունեն: Միացյալ Նահանգները ցանկանում Է մասնակցել դրանց գործունեությանը», հաղորդել Է ՏԱՍՍ-ը: