Ֆիզպատրաստության ժամանակ Ստեփանակերտում զինծառայող է մահացել
ԱրցախԼՂՀ մայրաքաղաք Ստեփանակերտի զորամասերից մեկում մայիսի 8-ին մահացել է ժամկետային զինծառայող Գոռ Ավետիքի Մարտիրոսյանը: Այս տեղեկությունը Լուրեր.com-ի հետ զրույցում հաստատեց ՊՆ քննչական ծառայության սպա Մերի Սարգսյանը:
«Զինծառայողը ֆիզպատրասատության ժամանակ ուշագնաց է եղել, այնուհետև նրան տեղափոխել են Ստեփանակերտի Կենտրոնական զինվորական հոսպիտալ, որտեղ զինծառայողը մահացել է», - նշեց Մերի Սարգսյանը:
Վերջինիս խոսքերով՝ քրեական գործ առայժմ չի հարուցվել. «Դեպքի վերաբերյալ նույթեր են նախապատրաստվում, իսկ նախնական որևէ վարկածի մասին նախաքննության շահերից ելնելով ոչինչ հայտնել չենք կարող», - եզրափակեց Մերի Սարգսյանը: