Ըստ Կարեն Քոչարյանի՝ ԲՀԿ-ն մաքսիմալ թանկ է ուզում վաճառել իր կոալիցիա մտնելը
Հասարակություն«Բարգավաճ Հայաստանի» ներսում պաուզա են վերցրել, մաքսիմալ թանկ են ուզում վաճառեն իրենց կոալիցիա մտնելը, այսօր լրագրողների հետ հանդիպմանը նման կարծիք հայտնեց քաղտեխնոլոգ Կարեն Քոչարյանը: Հարցին, թե արդյո՞ք կոալիցիա մտնելը ԲՀԿ-ին չի տանի «Օրինաց երկրի» ճանապարհով, Քոչարյանը պատասխանեց.
«Չի տանի, որովհետև ՕԵԿ-ը 2003-ին էլ է խաղացել՝ չի ընկել, ՀՅԴ-ն է խաղացել, չի ընկել, բայց ինչ-որ բան կորցրել է: ԲՀԿ-ն չի ասում, որ ռադիկալ ընդդիմություն է, ինչպես Արթուր Բաղդասարյանն էր հայտարարում: Արթուր Բաղդասարյանին ձայն տվողները ռադիկալ ընդդիմադիր էլեկտորատն էր, որը չէր ուզում ձայն տար Լևոն Տեր-Պետրոսյանին, իսկ ով մի օրում գցում է էլեկտորատը, զրոյանում է»,- նշեց նա:
Քաղտեխնոլոգի կարծիքով, կրկին կոալիցիա մտնելով՝ ԲՀԿ-ն չի դավաճում ընտրազանգվածին, քանի որ այն նախկինում էլ կոալիցայի մեջ էր: Իսկ այն հարցին, թե ի՞նչն է միավորում Վարդան Օսկանյանին ու Գագիկ Ծառուկյանին այն դեպքում, երբ նրանք երբեմն միմյանց հակադրվող տեսակետներ են հայտնում, քաղտեխնոլոգը կարճ պատասխանեց՝ Ռոբերտ Քոչարյանը: