Ուրվագիծ հաղորդման հաղորդավար Պետրոս Ղազարյանն իր Facebook-ի էջում գրում է.

«Մայիսի 5-ին և 6-ին մինչև ժամը 8-ը Կենտնրոնի եթերում քարոզչություն և հակաքարոզչություն չի եղել: Պարզապես մայիսի 6 ին մենք Լևոն Տեր Պետրոսյանի և Լևոն Զուրաբյանի ասուլիսները լուսաբանել ենք ուղիղ եթերի ռեժիմով, որի ժամանակ Լևոն Զուրաբյանը քաղաքական կոչ է արել: Բայց ես ուրախ եմ, որ պատկան մարմինները գտան 2012 ի ընտրությունների գլխավոր ընտրախախտումը))) Իսկ թե ինչու Ամալյանի հանձնաժողովը չեր նկատում ասենք 2008- ի ընտրությունների ժամանակ ակընհայտ հակաքարոզչությունը հարցի պատասխանը գտնելու համար ես հարգարժան պարոն Ամալյանին հրավիում եմ ուղիղ եթեր:

Հիշեցնենք, որ Հեռուստատեսության և ռադիոյի ազգային հանձնաժողովի մամուլի ծառայությունը հաղորդագրություն է տարածել, որի համաձայն՝ ս. թ. մայիսի 11-ին, ժամը 12.00-ին Հեռուստատեսության և ռադիոյի ազգային հանձնաժողովի վարչական շենքում տեղի կունենա Հեռուստատեսության և ռադիոյի ազգային հանձնաժողովի նիստ, որի օրակարգում ընդգրկված է «ՄՈՒԼՏԻ ՄԵԴԻԱ–ԿԵՆՏՐՈՆ ԹԻՎԻ» ՓԲ ընկերությանը («Կենտրոն» հեռուստաընկերություն) «Հեռուստատեսության և ռադիոյի մասին» ՀՀ օրենքի 60-րդ հոդվածի 7-րդ մասի համաձայն վարչական պատասխանատվության ենթարկելու մասին հարցը: 

Նշենք, նաև, որ այդ դրույթի համաձայն՝ Ընտրությունների և հանրաքվեների մաuին Հայաuտանի Հանրապետության oրենuդրությամբ քարոզչության համար արգելված ժամանակահատվածում քարոզչական բնույթի հաղորդում հեռարձակելը՝ առաջացնում է տուգանքի նշանակում՝ uահմանված նվազագույն աշխատավարձի հազարապատիկի չափով:»