«Հրապարակ». Բազազը ՝ «Ֆեյսբուքում»

2012-05-11 09:19:17

Պարզվում է՝ հայոց ոստիկանները հասարակական կարգը վերահսկում են նաև վիրտուալ աշխարհում: Վերջին օրերին «Ֆեյսբուք» սոցիալական ցանցում, ի թիվս այլ ոստիկանների, գրանցվել է նաև Երևանի ոստիկանապետի տեղակալ, ակցիաներն ու միտինգները ցրելու վարպետ հայտնի Բազազը՝ Ռոբերտ Մելքոնյանը: Թերևս վիրտուալ կյանքում հայտնվելով՝ համազգեստավորներն իշխանության հանդեպ «դավադրություններ» կազմակերպող ակտիվիստների ծրագրերին ի սկզբանե տեղեկացվելու հնարավորություն կունենան և իրավիճակն ավելի շուտ կանխելու միջոցառումներ կձեռնարկեն: Թերթը նկատում է, որ վերջին շրջանում հենց սոցիալական ցանցերում սկիզբ առած քննարկումների արդյունքում էլ հասունանում է այս կամ այն անօրինականության դեմ բողոքի ցույցեր կազմակերպելու պահանջը: Այնպես որ չի բացառվում, որ ակտիվիստների ու համազգեստավորների պայքարը տեղափոխվի վիրտուալ աշխարհ, թերևս այսպես ավելի անվնաս է՝ զերծ կմնան մարմնական վնասվածքներից:

Դիտվել է 916 անգամ:
Լրահոս
2 Սեպ
Ողջ լրահոսը...>>
Ամենաշատ ընթերցվածը