Տեսախցիկների տեղադրման օրից մինչ այսօր գրանցվել է 48 000 խախտում

2012-05-11 14:05:01

Ճանապարհային ոստիկանության պետի տեղակալ, ոստիկանության գնդապետ Հայկ Սարգսյանն այսօր լրագորղների հետ հանդիպման ժամանակ ներկայացրեց 2012 հունվար-ապրիլ ամիսներին մայրաքաղաքում տեղադրված արագաչափերի և տեսախցիկների արձանագրած խախտումների վիճակագրությունը: «Տեսախցիկների տեղադրման օրից մինչ այսօր գրանցվել է 48 000 խախատում: Ներկայումս քսան փողոցներում գործում են երեսուն արագաչափ սարքեր: Մենք պարբերաբար ստանում ենք խախտումների քանակը:

Վարորդները պատշաճ կարգով ծանուցվում են, ծանուցման մեջ նշված է լինում տույժի չափը, եթե սահմանված կարգով, այն է՝ երեսուն օրում այդ տույժի չափը վարորդի կողմից վճարված չի լինում, գումարի չափը եռապատկվում է, եթե այս դեպքում ել չի վճարվում, գումարի չափը հնգապատկվում է, որից հետո էլ գործը ուղարկվում է վարչական դատարան», - նշեց Հայկ Սարգսյանը՝ հավելելով, որ արդեն կան գործեր, որոնք ուղարկվել են դատարան:

Սարգսյանի խոսքերով՝ մինչև այս տարվա վերջ ՀՀ կառավարության որոշումով կտեղադրվեն հիսուն արագաչափեր, նախատեսված է նաև արագաչափերի տեղադրում Երևան-Սևան ավտոճանապարհին:

Դիտվել է 1012 անգամ:
Լրահոս
22 Օգտ
Ողջ լրահոսը...>>
Ամենաշատ ընթերցվածը