Ուկրաինայի նախկին վարչապետ Յուլյա Տիմոշենկոյի դուստրն այսօր հայտարարել է, որ Կաչանովսկի գաղութում իրեն թույլ չեն տվել տեսակցել մոր հետ: Եվգենյա Տիմոշենկոյի խոսքերով՝ ինքը ցանկացել է մորը փոխանցել ուտելիք՝ հացադուլը դադարեցնելու կապակցությամբ, սակայն գաղութի ղեկավարությունը թույլ չի տվել իրեն դա անել:

«Ուղղիչ հաստատության ղեկավարությունը չի հայտնել դրա պատճառները»,- ասել է Տիմոշենկոյի իրավաբան Եվգենի Վլասենկոն:

Հիշեցնենք, որ Տիմոշենկոն հացադուլ է սկսել այն բանից հետո, երբ որ, իր խոսքերով, գաղութից հիվանդանոց տեղափոխելիս իրեն ծեծի են ենթարկել: Յուլյա Տիմոշենկոն դադարեցրել է հացադուլն այն ժամանակ, երբ ուկրաինական իշխանությունները համաձայնվել են, որ իր առողջության վերականգմամբ զբաղվի Գերմանիայից ժամանած բժիշկը: