Ղարաբաղյան հակամարտության խաղաղ կարգավորումն իրենից համաշխարհային հանրության ռազմավարական շահն է, քանի որ նոր տարածաշրջանում հնարավորություններ է բաց անում։ Այդպես է համարում Իտալիայի նախագահ Ջորջիո Նապոլիտանոն։

«Հակամարտության կարգավորումը կնպաստի Հարավային Կովկասի ողջ տարածաշրջանի կայունությանը, նոր տնտեսական հնարավորությունների ստեղծմանը և լավ ապագա կերաշխավորի երիտասարդ սերնդի համար»,- ասել է Նապոլիտանոն «The Business Year» պարբերականի՝ Ադրբեջանին նվիրված հատուկ թողարկմանը տված հարցազրույցում։

Նա վստահություն է հայտնել, որ ՄԱԿ-ի Անվտանգության Խորհրդում 2012-2013 թթ. Ադրբեջանի ոչ մշտական անդամ ընտրվելը առանձնահատուկ հնարավորոթյուն է ստեղծում այդ երկրի դերի բարձրացման առումով։

«Ես նմանապես համոզված եմ, որ ադրբեջանական դիվանագիտությունը կօգտվի այդ պահից նրա համար, որպեսզի նպաստի ՄԱԿ-ի այնպիսի նպատակների ձեռք բերմանը, ինչպիսին են միջազգային խաղաղությունն և անվտանգությունը, աղքատության դեմ պայքարը և շրջակա միջավայրի պահպանությունը, ինչպես նաև մարդկանց միջև կրոնական ու մշակութային երկխոսության առաջընթացը»,- ասել է 2006 թվականից նախագահի պաշտոնում գտնվող Նապոլիտանոն։

«The Business Year»-ին տված հարցազրույցում նա հաստատել է ԼՂ հակամարտությունում առկա ստատուս-քվոյի պահպանման անընդունելիությունը։