«Կենտրոն» հեռուստաընկերությունում իսկապես վախեցած են, բայց այլ պատճառով

2012-05-12 12:45:35

«Կենտրոն TV–ում իրոք վախեցած են սեփական կաբինետում լուրեր թխող, «Հավաստի Աղբյուրներ» մակբայով հանդես եկող խմբագիրների աննախադեպ աճից»։ Այս միտքը Լուրեր.com-ի հետ զրույցում հայտնեց «Կենտրոն» հեռուստաընկերության լուրերի խմբագիր Պետրոս Ղազարյանը՝ անդրադառնալով «Հրապարակ» օրաթերթի այն հրապարակմանը, թե հեռուստաընկերությունում վախեցած են և «աննախադեպ նախազգուշական միջոցներ են ձեռնարկում «հեռուստաընկերության փակվելը» կանխելու համար»։

Հիշեցնենք, որ  երեկ «Կենտրոն» հեռուստւսընկերությունը Հեռուստատեսության և Ռադիոյի ազգային հանձնաժողովի կողմից «Լռության օրը» խախտելու համար տուգանվել է 1 միլիոն դրամով: Բանն այն է, որ մայիսի 5-ին, երբ արգելված էր քարոզչությունը, «Կենտրոնի» եթերում Լևոն Զուրաբյանը ՀՀԿ-ի դեմ է խոսել:

Մասնավորապես ՀԱԿ համակարգողը ուղիղ եթերով հեռարձակվող հանդիպման ընթացքում հայտարարել է. «Ամենակարեւոր գործոնը ընտրություններին մասնակցությունն է, ու մենք եւս մեկ անգամ կոչ ենք անում ՀՀ ընտրողներին՝ միակ ձեւն այս ընտրակեղծիքների դեմն առնելու այն է, որ բոլորդ ակտիվորեն մասնակցեք ընտրություններին ու ձեր ձայնը որեւէ դեպքում չտաք ընտրակեղծարարության կազմակերպիչներին ու գլխավոր հանցագործներին՝ Հանրապետական կուսակցությանը»։

 

 

Դիտվել է 2484 անգամ:
Լրահոս
20 Սեպ
Ողջ լրահոսը...>>
Ամենաշատ ընթերցվածը