Թբիլիսիում ջրհեղեղի հետևանքով զոհվածների թիվը հասել է 5-ի

2012-05-13 14:18:36

Վրաստանի մայրաքաղաքում տեղի ունեցած ջրհեղեղի հետևանքով զոհերի թիվը հասել է հինգի: Այս մասին են հայտարարել Թբիլիսիի քաղաքային իշխանությունները։

Հիշեցնենք, որ ինչպես ավելի վաղ հայտնել էր Լուրեր.com-ը, առնվազն 4 մարդ էր զոհվել, այդ թվում՝ 2 մանկահասակ երեխա, Թբիլիսիում տեղի ունեցած ջրհեղեղի հետևանքով։ «Россия24» հեռուստաալիքի փոխանցմամբ՝ կան մեծ թվով տուժածներ և անհայտ կորածներ, հայտնում է rosbalt.ru–ն։

Ջրհեղեղն առաջացել է հորդառատ անձրևների պատճառով, ինչի հետևանքով էլ իր ափերից դուրս է եկել Քուռ գետը։ 3-մետրանոց ալիքի հարվածի հետևանքով բնակելի տուն է փուլ եկել, որում եղել է մի կին՝ իր երկու դուստրերի հետ միասին։

Ջրի տակ են անցել բազմաթիվ շենքերի ու շինությունների առաջին և նկուղային հարկերը։ Թբիլիսի որոշ հատվածներ ջրազրկվել և հոսանքազրկվել են։ Տարհանվում են վտանգավոր գոտում բնակվող թբիլիսցիները։ Ներկայումս քաղաքի փողոցներում ուժեղացված հսկողություն են իրականացնում փրկարարները, նրանց օգնում են զինվորականներն ու ուժային այլ կառույցների աշխատակիցները։

Դիտվել է 936 անգամ:

Լրահոս
22 Դեկ
Ողջ լրահոսը...>>
Ամենաշատ ընթերցվածը