Այսօր Մարկ Ցուկերբերգի ծննդյան օրն է
SocietyԱյսօր Մարկ Ցուկերբերգի ծննդյան օրն է: Ցուկերբերգը ծնվել է 1984-ի մայիսի 14-ին Նյու Յորքում բնակվող հրեաական ընտանիքում, հայրը ատամնաբույժ է, մայրը՝ հոգեբան: Երկու տարի սովորելով Հարվարդի համալսարանի հոգեբանության ֆակուլտետում, դուրս է եկել համալսարանից, որպեսզի զբաղվի իր սիրած մասնագիտությամբ՝ ծրագրավորմամբ:
Դեռևս ուսանողական տարիներին գրել է իր առաջին ծրագրերից մեկը, որը Մայքրոսոֆթը պատրաստ էր գնել երկու միլիոնով, սակայն Մարկը հրաժարվեց վաճառել այն: 2004–ին նա ստեղծեց Facebook-ը ներդնելով ընդամենը 500 հազար դոլար: Նույն տարվա ամռանը Հարվարդի հոգեբանության բաժնում ուսանող Մարկը մի քանի ընկերների հետ լքեց համալսարանը՝ որոշելով զբաղվել իր նորահայտ նախագծի ընդլայնմամբ:
Հարվարդցի զույգ եղբայրներ Վինքլեվոսները, իբրև ծրագրավորման աչքի ընկնող գիտակի, Ցուկերբերգին առաջարկեցին գրել իրենց ստեղծած կայքի համար կանոնակարգ, որը պետք է լիներ բացառապես Հարվարդի ուսանողների համար, և արդեն տարիներ է, որ Վինքլեվոսները փորձում են իրենց արդարությունը հաստատել դատարանում՝ մեղադրելով Ցուկերբերգին Facebook-ի ստեղծման ժամանակ իրենց կոնցեպցիան յուրացնելու մեջ: Մի անգամ դատարանը պարտավորեցրել է Ցուկերբերգին վճարել 70մլն դոլլար, ինչը Վինքլեվոսները համարել են չնչին փոխհատուցում իրենց բարոյական վնասի համեմատ: Այդուհանդերձ Մարկը մինչ այժմ չի ընդունում իր մեղքը:
Facebook-ը ստեղծվեց հավատարիմ ընկերության շնորհիվ: Հարվարդում Ցուկերբերգի միակ ընկեր Էդվարդ Սավերինը, ով նույնպես հրեա էր բրազիլացի մեծահարուստ հրեաների ընտանիքից, օգնեց, որպեսզի Մարկի տեխնիկական հայտնագործումն ունենա ճիշտ բիզնես պլան: Եվ սայթի գործարկման սկզբում հենց նա էլ դարձավ ներդրողը: Շուտով Ցուկերբերգը նրան փոխարինում է ավելի լուրջ գործընկերներով, ինչն էլ վիրավորում է Սավերինին: Վերջինս դիմում է դատարան Ֆեյսբուքից ստանալու փոխհատուցում՝ 1.2 մլրդ դոլլարի չափով: Դատարանը բավարարում է հայցը:
Facebook-ի հիմնադիրը, տարիներ հետո դառնալով աշխարհի պատմության մեջ ամենաերիտասարդ միլիարդատերը, շարունակում է մնալ բավական համեստ: 2010-ին նա ճանաչվել է տարվա մարդ:
Ցուկերբերգը մինչ այսօր վարում է նույն ուսանողական տարիների կյանքը: Ապրում է վարձով սիլիկոնային հովտում ու 384 քառակուսի մետր տարածքով բնակարանում, հագնում է միջին գնի հագուստ և աշխատանքի է գնում ոտքով:
Ցուկերբերգը ուսումնասիրում է մեռած լեզուներ, սիրում է բարեգործություն անել ու ազատ կյանք վարել: Օրինակ մի քանի միլիարդանոց պայմանագիր խոստացող հանիպումից նա հրաժարվել է, քանի որ այդ օրը նա ծրագրել էր ժամանակն անցկացնել իր ընկերների ու ընկերուհու հետ:
Նա այսօր ամենացանկալի փեսացուն է և ունի միլիոնավոր երկրպագուհիներ, սակայն նա ընտրել է հասարակ ծագումով սևամորթուհու, սակայն դեռ չի պատրաստվում ամուսնանալ: