Վերաքննիչը մերժեց «Սասնա ծռեր» խմբի անդամ Վարդան Գերավետյանի խափանման միջոցը փոխելու մասին բողոքը
ՀասարակությունԱյսօր՝ օգոստոսի 19-ին ՀՀ վերաքննիչ քրեական դատարանը մերժեց «Սասնա ծռեր» խմբի կալանավորված անդամ Վարդան Գերավետյանի խափանման միջոցը փոխելու մասին նրա պաշտպանի բողոքը:
Նրա պաշտպան Դավիթ Գյուրջյանը լրագրողների հետ զրույցում նշել է. «Առանց հիմնավորման մերժեց կալավորումը վերացնելու մեր միջնորդությունը: Կարելի է ասել, որ նախաքննական մարմինը դատարանի նկատմամբ նույնպես անհարգալից վերաբերմունք է դրսևորում, քանի որ չի ցանկանում բերել այն փաստարկները, որոնց պատճառաբանությամբ անթույլատրելի է համարում Վարդան Գերավետյանի կալանավորումը վերացնելը»:
Փաստաբանը նաև նշեց, որ Վարդան Գերավետյանն ունի առողջական խնդիրներ, նրան հետևողական բուժում է անհրաժեշտ:
Վարդան Գերավետյանին մեղադրանք է ՀՀ Քր.օր.-ի 218 հոդվածի 3-րդ մասի 1-ին կետով (պատանդ վերցնելը) և 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել):