«Էդքան փող չունեմ». ում է հրավիրելու իր 50-ամյակին Առաքել Մովսիսյանը (Շմայս). «Հրապարակ»
Հայկական Մամուլ«Հրապարակ» օրաթերթը գրում է.
«Այսօր՝ օգոստոսի 20-ին, լրանում է ԱԺ պատգամավոր, ՀՀԿ-ական Առաքել Մովսիսյանի՝ Շմայսի 50-ամյակը, սակայն ծննդյան տոնակատարությունը կկայանա օգոստոսի 21-ին՝ «Օջախ» ռեստորանում:
Թեպետ տեղեկություններ կան, որ հյուրերի ցանկում են պատգամավորներ եւ բազմաթիվ բարձրաստիճան պաշտոնյաներ, Շմայսը մեր լրագրողին ասել է, որ ինքն իր ընկերներով է ծնունդը նշելու, առանձնահատուկ չի նշելու։
«Որ նշեմ, շուտ կմեռնեմ»,- իբր հումոր է արել նա։ Հայտնի աստղիկների էլ չի հրավիրելու. «Էդքան փող չունեմ»։
Սերժ Սարգսյանն էլ ներկա չի գտնվի, նա դեռ Ռիո դե Ժանեյրոյում է՝ այժմ արդեն «արձակուրդի» շրջանակներում»:
Ավելի մանրամասն՝ թերթի այսօրվա համարում: