«Հրապարակ». Վճռաբեկ դատարանի քրեական և զինվորական պալատը նոր նախագահ կունենա
Հասարակություն«Հրապարակը» գրում է.
«Օգոստոսի 25-ին լրանում է վճռաբեկ դատարանի քրեական և զինվորական պալատի նախագահ Դավիթ Ավետիսյանի 65 տարին։ Մեր տեղեկություններով, վճռաբեկ դատարանի քրեական և զինվորական պալատի նախագահ կնշանակվի նույն դատարանի դատավոր Սերժիկ Ավետիսյանը։ Նա «Տաշիր» ընկերության սեփականատեր, հայազգի մեծահարուստ Սամվել Կարապետյանի քենակալն է (կնոջ քրոջ ամուսինը)։ Նրանք նաև համաքաղաքացիներ են։ Սերժիկ Ավետիսյանը դատական համակարգում է 1991 թվականից և դատավորի աշխատանքին զուգահեռ զբաղվում է նաև գիտամանկավարժական գործունեությամբ, աշխատություններ ունի։ Ինչ վերաբերում է վերաքննիչ քրեական դատարանի նախագահ Վազգեն Ռշտունու թեկնածությանը, ապա նա առայժմ կմնա իր տեղում։ Առավել ևս, ասում են, թե վերջինս հիմնովին վերանորոգել է աշխատասենյակը, գեղեցիկ կահավորել այն, այնպես որ, որոշ ժամանակ հաստատ չի լքի հարմարավետ աշխատասենյակը։ Մեզ հասած տեղեկություններով, Ռշտունուն ասել են՝ սպասիր, միանգամից վճռաբեկ դատարանի նախագահ կգնաս, իհարկե, եթե հանկարծ ֆորսմաժորներ չլինեն, և իրավիճակ չփոխվի»։
Առավել մանրամասն՝ այսօրվա համարում։