Իտալացի հրշեջներին հաջողվել Է 215 մարդ փրկել երկրաշարժի գոտում
ԱՐԽԻՎԻտալիայի ազգային հրշեջ ծառայության աշխատակիցներին, որոնք որոնողափրկարարական գործողություն են իրականացնում լույս օգոստոսի 24-ի գիշերը երկրի կենտրոնական մասում տեղի է ունեցած ավերիչ երկրաշարժի գոտում, արդեն հաջողվել է փլատակներից դուրս բերել 215 ողջ մնացածների:
Այդ մասին Հռոմում անցկացված ճեպազրույցի ժամանակ հայտնել է ծառայության ղեկավար պրեֆեկտ Բրունո Ֆրատազին: Նա ճշտել է, որ հաջողվել է 200 մարդու փրկել Ռիետիի մարզում (Լացիոյի մայրաքաղաքային մարզ) եւ եւս 15 հոգու՝ Մարկեի մարզի տարբեր բնակավայրերում:
Ֆրատազիի խոսքով՝ ներկայում տարերային աղետի գոտում աշխատում են Հրշեջ ծառայության 2027 աշխատակիցներ, որոնց տրամադրության տակ կա 400 միավոր հրշեջ հատուկ տեխնիկա: Պաշտոնական վերջին տվյալների համաձայն՝ տարերային աղետի հետեւանքով զոհվել է 241 մարդ, 264 տուժածներ գտնվում են հիվանդանոցներում:
Իտալիայում 6,0 մագնիտուդով երկրաշարժ Է տեղի ունեցել լույս օգոստոսի 24-ի գիշերը: Առաջին ցնցումը գրանցվել է տեղական ժամանակով ժամը 03:36-ին (Երեւանի ժամանակով՝ 05:36-ին), դրան հաջորդել է եւս մեկը՝ ավելի փոքր ուժգնությամբ: Էպիկենտրոնը գտնվում էր Հռոմից 113 կիլոմետր հյուսիս-արեւելք ընկած շրջանում:
Օջախը, ըստ տարբեր տվյալների, 4-ից մինչեւ 10 կիլոմետր խորության վրա էր: Ստորգետնյա ցնցումների հետեւանքով առավել մեծ ավերածություններ են եղել Ամատրիչե, Ակումոլի եւ Պեսկարա դել Տրոնտո բնակավայրերում, հաղորդել է ՌԻԱ Նովոստին: