Գյումրին սեպտեմբերի 25-ին ավանդաբար նշում է «Գյումրու օր»-ը
ՀասարակությունԳյումրին սեպտեմբերի 25-ին հերթական անգամ նշում է «Գյումրու օր»-ը:
«Գյումրու օր» տոնակատարությունների շրջանականերում, քաղաքում տեղի կունենան Գյումրու Պարարվեստի դպրոցի նորակառույց շենքի բացման արարողությունը, «Երեխաներ եւ գույներ» մանկական միջոցառումը (Բագրատունյաց պուրակ), գյումրեցիների ամենասիրելի ճեմափողոցներից մեկի՝ նախկին Ալեքսանդրովսկի, այժմ Քըրք Քըրքորյանի փողոցի բացման արարողությունը, կկայանա նաև արդեն ավանդական դարձած «Հացի եւ արհեստների փառատոնը», ինչպես նաև կկայանան Գյումրու երիտասարդական պալատի բացման արարողությունը, Aratta Band-ի համերգը, ռեփ-համերգ (Հաղթա նակի զբոսայգի)։
Իսկ ավելի ուշ ավանդական «Գյումրու օրը» այս անգամ կփորձի նաև զարմացնել ռոքի սիրահարներին՝ Sima Cunningham (ԱՄՆ), Young Georgian Lolitaz (Վրաստան), Black Marrows (Վրաստան), Palm of Granite (ԱՄՆ), Bambir, Rozen Tal խմբերը կմասնակցեն «Ռոք Ֆեստ 2016» փառատոնին: Շուրջ 10 ռոք-խումբ ու անհատ կատարող և մոտ 2 հազար հանդիսատես կհամախմբվեն Գյումրու պատմա-ճարտարապետական ամենագեղեցիկ կառույցներից մեկի՝ 19-րդ դարից մեզ հասած «Սև ամրոց»-ի տանիքի ներքո: Վերականգնումից հետո առաջին անգամ «Սև ամրոց»-ն իր դարպասները կբացի հանդիսատեսի առաջ՝ ցուցադրելով այն հնարավորություն, ինչն այսուհետ կունենա Գյումրին՝ համերգներ ու տարբեր մշակութային միջոցառումներ կազմակերպելու համար:
Օրը կավարտվի կենտրոնական հրապարակում՝ տոնական համերգով և տոնական հրավառությամբ: