Առաջարկում ենք ԸՕ-ում մտցնել «ակնհայտ սուտ մատնություն» տերմինը. Լևոն Զուրաբյան
ՔաղաքականԱզգային ժողովում քիչ առաջ ընդունվեց Ընտրական օրենսգրքում փոփոխություններ և լրացումներ կատարելու մասին նախագիծը: Ըստ այդ փոփոխության՝ ընտրություններից հետո իշխանությունները պարտավորվում են հրապարակել ընտրացուցակները:
ԱԺ-ում լրագրողների հետ զրույցում ՀԱԿ խմբակցության ղեկավար Լևոն Զուրաբյանն կարծիք հայտնեց, թե այս փաստը քաղաքացիներին կարող է կաշկանդել:
«Մենք առաջարկել ենք, որ ավելացվի ակնհայտ սուտ տերմինը, որից հետո որևէ խնդիր չի լինի: Դիտավորության տերմինը պետք է ամրագրված լինի, որ չստացվի, եթե քաղաքացին ինչ-որ տեղից կրկնաքվեարկության մասին տեղեկատվություն ունենա, բարեխղճորեն հաղորդի, և հետագայում պարզվի, որ այն չի համապատասխանել իրականությանը, ենթարկվի քրեական պատասխանատվության»,- ասաց Զուրաբյանը:
Լրագրողները պատգամավորից հետաքրքրվեցին նաև կառավարության նոր ծրագրից, որին ի պատասխան Լևոն Զուրաբյանն հայտարարեց, թե անկախ նրանից՝ ինչ է գրված տեքստում, միշտ էլ կարելի է գրվածից դուրս գործել: «Նույնիսկ ամենալավ ծրագրերը կարելի է ներկայացնել և անել այն չարագործությունը, որն արվել է 18 տարի շարունակ»,- եզրափակեց Զուրաբյանը: