Իրանը հետ է կանչել Բաքվում իր դեսպանին` այաթոլլա Համենեիին վիրավորելու համար

2012-05-22 10:07:36

Պաշտոնական Թեհրանը հետ է կանչել Ադրբեջանում իր դեսպան Մոհամմադ Բագիր Բահրամիին, հաղորդում է SalamNews–ը՝ վկայակոչելով դիվանագիտական աղբյուրներին։

Որպես դիվանագետին հետ կանչելու պատճառ նշվում է Բաքվում Իրանի դեսպանատան առջև վերջերս տեղի ունեցած բողոքի ցույցի ժամանակ հոգևոր առաջնորդ այաթոլլա Համենեիին վիրավորելը։ Ենթադրվում է, որ դեսպանը Թեհրան է կանչվել խորհրդակցության համար։

Հիշեցնենք, որ անցյալ շաբաթ Բաքվում Իրանի դեսպանատան առջև մի քանի բողոքի ցույցեր են տեղի ունեցել Թեհրանի «հակաադրբեջանական» քաղաքականության և այդ երկրի բազմամիլիոնանոց ադրբեջանական բնակչության իրավունքների խախտման դեմ։

Բողոքի ցույցերի ընթացքում քննադատական մեկնաբանություններով օգտագործվել են Իրանի նախագահի եւ հոգևոր առաջնորդի լուսանկարները։

Դիտվել է 370 անգամ:
Լրահոս
26 Հոկ
Ողջ լրահոսը...>>
Ամենաշատ ընթերցվածը