Ակտիվ փոխգործակցություն՝ Հայաստանի և Իրանի սահմանային մաքսակետերի միջև

2016-12-16 13:02:40

Ակտիվ փոխգործակցություն' Հայաստանի և Իրանի սահմանային մաքսակետերի միջև

ՊԵԿ նախագահ Վարդան Հարությունյանի և ԻԻՀ մաքսային ծառայության ղեկավար Մասուդ Քարբասիանի' նոյեմբերի 17-ին ստորագրած փոխըմբռնման հուշագրի շրջանակում դեկտեմբերի 14-ին Մեղրիի մաքսակետում հանդիպում է տեղի ունեցել Մեղրիի և Նորդուզի մաքսակետերի ղեկավարների միջև: Խորհրդակցության ընթացքում քննարկվել են սահմանային մաքսակետերի համագործակցության սերտացմանն ուղղված հարցեր' արձանագրելով, որ այդ ուղղությամբ աշխատանքներն ընթանում են առանց խոչընդոտների: Անդրադարձ է եղել Հայաստանի և Իրանի միջև բեռնատար և ուղևորատար տրանսպորտային միջոցների տեղաշարժի դյուրացմանն ուղղված աշխատանքներին: Գործընկերները փոխանակվել են նաև սահմանով տեղափոխվող անձնական օգտագործման ապրանքների և դրամական միջոցների ընթացակարգերի վերաբերյալ տեղեկատվությամբ: Երկկողմ քննարկումների արդյունքում որոշվել է մաքսակետերի աշխատակիցների մասնակցությամբ համատեղ հանդիպումները դարձնել պարբերական:

Հիշեցնենք, որ ՊԵԿ-ի և ԻԻՀ մաքսային ծառայության միջև ստորագրված «Հայաստանի Հանրապետության կառավարությանն առընթեր պետական եկամուտների կոմիտեի և Իրանի Իսլամական Հանրապետության մաքսային ծառայության միջև մաքսային վարչարարության բնագավառում համագործակցության վերաբերյալ» փոխըմբռնման հուշագրով նախատեսվում է Մեղրիի և Նորդուզի սահմանային մաքսային կետերի միջև իրական ժամանակում տեղեկատվության փոխանակում կազմակերպել:

Դիտվել է 795 անգամ:

Լրահոս
28 Մար
Ողջ լրահոսը...>>
Ամենաշատ ընթերցվածը