81-ամյա ծերունուն հայտնաբերել են անօգնական վիճակում
ՀասարակությունԵրեւանում, մայիսի 23-ին, ժամը 23.34-ին ահազանգ է ստացվել, որ Լենինգրադյան 8 շենքի 38-րդ բնակարանից ջուր է լցվում ներքեւի բնակարան, իսկ բնակիչը չի արձագանքում դռան եւ հեռախոսի զանգերին:
Դեպքի վայր է մեկնել հատուկ փրկարարական ջոկատի հերթապահ խումբը:
Փրկարարները, ոստիկանության եւ համատիրության աշխատակիցների ներկայությամբ, բացել են բնակարանի դուռը եւ խոհանոցի հատակին հայտնաբերել 81-ամյա Հենրիկ Սահակյանին' անօգնական վիճակում:
«1-03» ծառայության աշխատակիցները նրան տեղափոխել են «Սուրբ Գրիգոր Լուսավորիչ» բժշկական կենտրոն: Ըստ բժիշկների' տղամարդու առողջական վիճակը ծայրահեղ ծանր է: