Զինծառայող է մահացել դժբախտ պատահարից
ՀասարակությունՀայաստանի ՊՆ N զորամասերից մեկում ժամկետային զինծառայող, շարքային Գագիկ Գեւորգի Հովակիմյանը, մայիսի 24-ին, ժամը 15:15-ի սահմաններում, ՀՀ ՊՆ տեխնիկական սպասարկման աշխատանքներ կատարելուց հետո, «ԿՌԱԶ» մակնիշի զինհամարանիշով մեքենան ավտոկայանատեղիում կայանելիս՝ ավտոմեքենայի դիմային մասով վրաերթի է ենթարկել նույն զորամասի ժամկետային զինծառայող, շարքային Խաչատուր Հակոբի Մելիքյանին, ով հիվանդանոց տեղափոխվելու ճանապարհին մահացել է:
Այս մասին hayeli.am-ին հայտնել է ՊՆ քննչական բաժնի հասարակայնության հետ կապերի ավագ սպա Մերի Սարգսյանը: Փաստի առթիվ ՀՀ ՊՆ քննչական ծառայության 10-րդ կայազորի քննչական բաժնում հարուցվել է քրեական գործ ՔրՕր-ի 377 հոդվածի 2-րդ մասի հատկանիշներով: Կատարվում է հետաքննություն: Հարցին, թե Գագիկ Հովակիմյանը ձերբակալվե՞լ է, թե՝ ոչ, Մերի Սարգսյանը պատասխանել, որ դեռեւս չի ձերբակալվել: