Ռուսաստանը մեղադրվում է Ղրղզստանին կաշառելու մեջ

2012-05-26 12:55:40

ՌԴ-ում ԱՄՆ-ի դեսպան Մայքլ Մաքֆոլը մեղադրել է ՌԴ իշխանություններին 2009 թվականին Ղրղզստանի իշխանություններին կաշառելու մեջ, ինչով նրանք փորձում էին հասնել Մանասում ռազմաբազայի վերացմանը։ Այս մեղադրանքը Մաքֆոլըհնչեցրել է մայիսի 25-ին Մոսկվայի Բարձրագույն տնտեսական դպրոցի ուսանողների հետ հանդիպմանը։

Ինչպես դեսպանը նշել է՝ «ձեր երկիրը կաշառել է Ղրղզստանին, որպեսզի նրանք ԱՄՆ-ին դուրս շպրտեն Մանասից»՝ հավելելով, որ «ԱՄՆ-ը ևս կաշառք է առաջարկել, սակայն դրա չափերը 10 անգամ ավելի պակաս են եղել»։

Ինտերաֆաքսը հավելում է, որ Մաքֆոլը նաև հայտարարել է, որ ԱՄՆ-ը չի պատրաստվում կիրգիզական իշխանությունների շուրջ ազդեցության ոլորտնել խաղալ և շեշտել է, որ Մանասի ռազմաբազան իրենց անհրաժեշտ է եղել Աֆղանստան ամերիկյան զինծառայողների տեղափոխումն իրականացնելու համար։

ԱՄՆ-ի ավիաբազան Մանասի միջազգային օդնավակայանի տարածքում գոյություն ունի 2001 թվականից սկսած և օգտագործվում է որպես տրանզիտային միջանցք ՆԱՏՕ-ի զինվորականների և բեռնափոխադրումների համար։ 2009-ի սկզբին Ղրղզստանի իշխանությունները չեղյալ էին համարել բազայի վերաբերյալ ԱՄՆ-ի հետ համաձայնագիրը։ Նույն տարվա ամռանը նոր պայմանագիր էր կնքվել, որում բազան վերանվանում էր «Տրանզիտային փոխադրումների կենտրոն», սակայն դրանից բազայի ֆունկցիաները չեն փոխվել։ Այն, ըստ Ղրղզստանի իշխանությունների, կփակվի 2014-ի ավարտին։

Դիտվել է 452 անգամ:
Լրահոս
20 Սեպ
Ողջ լրահոսը...>>
Ամենաշատ ընթերցվածը