Ի՞նչ միջոցներով է Սեյրան Օհանյանը ձեռք բերել Վահագնի թաղամասի առանձնատունը (տեսանյութ)

2017-02-17 16:42:00

«Օհանյան-Րաֆֆի-Օսկանյան» դաշինքի առաջին հորիզոնականում ՀՀ պաշտպանության նախկին նախարար Սեյրան Օհանյանն է: Այսօր հրավիրած ասուլիսին պատասխանելով լրագրողի հարցին՝ ի՞նչ միջոցներով է ձեռք բերել Վահագնի թաղամասի համեստ առանձնատունը, Սեյրան Օհանյանը նշեց, որ իր ունեցվածքի մասին մամուլում տեղ գտած հրապարակումներն իրականությանը չեն համապատասխանում. «Միայն մեկ ճիշտ բան կա, որ Վահագնի թաղամասում եմ ապրում: Վահագն Հովնանյանը տարիներ առաջ, կարծեմ 2008 թվականին, ինձ նվիրել է 1 հողակտոր, որն այլևս իմը չէ: Այո, այսօր Վահանգնի թաղամասում ապրում եմ վարձով»,- ասաց նա:

Վարդան Օսկանյանը ևս հաստատեց, որ հողակտորը նվիրատվություն է եղել. «Ես կարող եմ դա վկայել, որ պարոն Հովնանյանն անձամբ, իսկապես այն ժամանակներում ասել է, որ ուզում է իր ծառայությունը հարգած և գնահատած լինելու համար հողակտորը նվիրել և ես ողջունել եմ դա: Վահագն Հովնանյանը մահացել է, բայց դրա մասին ինձ անձամբ է ասել»:

Ռուզաննա Խաչատրյանի առաջադրվելուն վերաբերող հարցին Սեյրան Օհանյանը պատասխանեց հակիրճ. «Նկատի ունեք իմ կնո՞ջը, իհա՛րկե՝ ոչ»:

Դիտվել է 5421 անգամ:


Լրահոս
21 Փտր
Ողջ լրահոսը...>>
Ամենաշատ ընթերցվածը