Կալիֆոռնիայում հարյուրավոր մարդիկ են տարհանվել հեղեղումների պատճառով
ԱՄՆՀորդառատ անձրեւներից առաջացած հեղեղման պատճառով առնվազն 225 մարդ է տարհանվել ԱՄՆ-ի Կալիֆոռնիայի նահանգի Սան Խոսե քաղաքի արվարձաններում: Այդ մասին հայտնել է ABC News հեռուստաալիքը՝ հղում անելով հրշեջ ծառայությունների ներկայացուցչին:
Միթչ Մեթլոուն ասել է, որ փրկարարների խմբերը նավակներ են օգտագործում, որպեսզի մարդկանց օգնեն հասնել վարակազերծման հատուկ գոտիներ, որտեղից նրանց տեղափոխում են ապաստարաններ: Ջրահոսքերն իրենց հետ բերում են բեկորներ, կեղտ, ավտոմոբիլային հեղուկներ, ինչը կարող է վատացնել մարդկանց ինքնազգացողությունը, նշել է նա:
Քաղաքի իշխանությունները կարգադրել են տարհանել առանձին շրջանների բնակիչների եւ նախազգուշացրել նրանց, ում կարող են սպառնալ հեղեղումները, հաղորդել է ՌԻԱ Նովոստին:
Լուսանկարը՝ REUTERS