Գայանե Առուստամյանի կարծիքով՝ ՀԱԿ–ից կուսակցությունների դուրս գալը նորմալ է

2012-05-29 13:21:50

Անցած խորհրդարանական ընտրություններին թիվ 1 ընտրատարածքում ՀԱԿ-ի կողմից առաջադրված թեկնածու, լրագրող Գայանե Առուստամյանը նորմալ է համարում, որ որոշ կուսակցություններ և անհատներ լքում են Հայ ազգային կոնգրեսը:

«ՀԱԿ-ը միավորում է, ՀԱԿ-ի շարքերն ավելի խիտ են, քան ՀԱԿ-ի քաղաքական վերնախավի շարքերը ու նորմալ է, եթե մեկն ինչ-ինչ պատճառներով վազքուղուց դուրս է գալիս ու համարում է, որ այլ ճանապարհով է պետք հարցը լուծել: Դա շատ նորմալ ու մարդկային երևույթ է»,- ասաց Առուստամյանը:

Անդրադառնալով «Բարգավաճ Հայաստան»-ի ու ՀԱԿ-ի համագործակցությանը ընտրությունների վերահսկման շտաբի շրջանակներում՝ Առուստամյանն ասաց, որ դրանում ոչ մի տարօրինակ բան չի տեսնում:

«Եթե քաղաքական հարթության վրա ընդհանուր շահ է գտնվում, և այդ ընդհանուր շահի շուրջ ինչ-ինչ անհամաձայնութոններ մի կողմ են դրվում ու շահի շուրջ համախմվում են. սա դրական երևույթ է:

Ցանկացած իրավիճակում դաշնակիցներ ընտրել և գտնել պետք է: Առանց դաշնակիցների ինչպե՞ս է հնարավոր խնդիրներ լուծել: Տարօրինակն այն է, որ անհամաձայնությունների պատճառով մարդիկ լքում են պայքարը, իսկ դա քաղաքական հասունության մասին չի խոսում»,- նշեց Գայանե Առուստամյանը՝ հավելելով, որ հակված չէ մտածելու, որ ԲՀԿ-ն իր խոսքը գործ կդարձնի և որ ինքն այդ կուսակցությանը չի վստահում:

Դիտվել է 811 անգամ:

Լրահոս
25 Ապր
Ողջ լրահոսը...>>
Ամենաշատ ընթերցվածը