Երևանում ցուցադրության են հանվել ՀՀ զինված ուժերի «Սմերչ», «Գրադ», «Հաուբից» համակարգերը (լուսանկարներ)

2017-04-20 14:51:19

«Ազգ-բանակ-2017» խորագրով ցուցահանդեսի շրջանակներում Կարեն Դեմիրճյանի անվան մարզահամերգային համալիրի տարածքում ապրիլի 21- 23-ը կգործի ցուցահանդես, որտեղ կրթական ոլորտի մի շարք առաջատար հաստատություններ կծանոթացնեն իրենց ուսումնական պայմաններին, արձանագրած հաջողություններին և կրթական ծրագրերին: Առանձին տաղավարներում և հարթակներում ներկայացված կլինեն սպառազինության և ռազմական տեխնիկայի նմուշներ, ՀՀ ռազմաարդյունաբերական համալիրի արտադրատեսակներ:

Համաժողովի շրջանակներում Մարզահամերգային համալիրի մոտ ցուցադրության են դրված «Սմերչ» համազարկային կրակի ռեակտիվ համակարգ, Точка У մարտավարական հրթիռային համալիրը, հակաօդային պաշտպանության համակարգեր, «Գրադ» համազարկային կրակի համակարգ, «Հաուբից» հրետանային համակարգ, Տ-90 տանկ:

Համաժողովի շրջանակում հանրակրթական դպրոցների սաների համար նախատեսված է հագեցած մրցութային ծրագիր, սահմանված են հատուկ մրցանակներ հաղթողների համար: Կկազմակերպվեն հանդիպումներ արցախյան ազատամարտի վետերանների և ապրիլյան մարտական գործողությունների մասնակիցների հետ:

Միջոցառումներին մասնակցությունը խրախուսվում է դասարաններով՝ զինղեկների և դասղեկների ուղեկցությամբ (9-12-րդ դասարաններ):

Լուսանկարները՝ ԼՈւՐԵՐ.com

Դիտվել է 2052 անգամ:

Լրահոս
24 Ապր
Ողջ լրահոսը...>>
Ամենաշատ ընթերցվածը