«ՀԺ». Ինչում են մեղադրվում Սեֆիլյանը և մյուսները. քրեական գործի նախաքննությունն ավարտվել է
Հայկական Մամուլ«Հայկական ժամանակ» թերթը գրում է.
««Նոր Հայաստան» հանրային փրկության ճակատի առաջնորդ Ժիրայր Սեֆիլյանի և մյուսների դեմ հարուցված քրեական գործով նախաքննությունն ավարտվել է: Այս մասին «Հայկական Ժամանակ»-ի հետ զրույցում ասել է Սեֆիլյանի պաշտպան Տիգրան Հայրապետյանը: Հայրապետյանը թերթին տեղեկացրել է, որ նախաքննությունն ավարտվել է 4 օր առաջ: Պաշտպանական կողմը ծանոթացել է գործի նյութերին, ինչից հետո այն ուղարկվել է դատախազին՝ մեղադրական եզրակացությունը հաստատելու համար:
Ըստ փաստաբանի՝ գործը մեկ շաբաթից կուղարկվի դատարան: Այս գործով նախաքննություն ավարտ էր հայտարարվել 2016թ. նոյեմբերի 15-ին: Քրեական գործը հարուցվել է մայիսի 20-ին Ծիծեռնակաբերդում տեղի ունեցած ճանապարհատրանսպորտային պատահարից հետո: Ըստ պաշտոնական տեղեկությունների՝ պատահարի մասնակցի ավտոմեքենայից հայտնաբերել են ԱԿ-74 տեսակի երկու ինքնաձիգ՝ 120 փամփուշտով: Հենց այս պատահարից մեկ ամիս անց Սեֆիլյանին մեղադրանք առաջադրվեց: Սեֆիլյանին և մյուս 8 անձի մեղադրանք է առաջադրվել զենքի գործադրմամբ շենքերի, շինությունների, հաղորդակցության և կապի միջոցներ գրավելու նախապատրաստության համար»:
Ավելի մանրամասն՝ թերթի այսօրվա համարում: