Կիպրոսում կբացվի Հայոց ցեղասպանության զոհերի հիշատակին նվիրված զբոսայգի
ԱշխարհԿիպրոսի Պաֆոս քաղաքում կբացվի Հայոց ցեղասպանության զոհերի հիշատակին նվիրված զբոսայգի: Այս մասին տեղեկացրին Կիպրոսի խորհրդարանի հայազգի պատգամավոր Վարդգես Մահտեսյանի գրասենյակից:
«Գաղափարը կար 2016 թվականի սկզբնական շրջանում: Այն միաձայն ընդունվել է Պաֆոսի քաղաքապետարանի խորհրդի կողմից: Խարալամպոս Մուսկոս եւ Էվաղորաս Պալլիկարիտիս փողոցների անկյունում գտնվող հանրային կանաչ տարածությունը պիտի կոչվի՝ ի հիշատակ եւ ի պատիվ 1915-ի Հայոց ցեղասպանության 1,5 միլիոն անմեղ զոհերի»,- տեղեկացրին գրասենյակից:
Զբոսայգու բացման արարողությունը տեղի կունենա ապրիլի 30-ին: Միջոցառման շրջանակում այնտեղ տեղադրվելու է Հայաստանից ուղարկված խաչքար: Բացումը կկատարեն կիպրահայ համայնքի պետական ներկայացուցիչ Վարդգես Մահտեսյանը և Պաֆոսի քաղաքապետ Տիար Ֆետոնաս Ֆետոնոսին: