Դրական եմ տրամադրված. գիտեմ, որ ավելիին եմ ունակ. Մխիթարյանը` «Յունայթեդ»-ում իր առաջին մրցաշրջանի մասին
ՍպորտՀայաստանի ազգային հավաքականի ավագ Հենրիխ Մխիթարյանը Sky Sports-ին տված հարցազրույցում խոսել է նաև «Մանչեսթեր Յունայթեդ»-ում անցկացրած առաջին մրցաշրջանի մասին:
«Առաջին տարիս այնքան էլ հեշտ չէր, քանի որ սկզբում որոշ դժվարություններ էի զգում, սակայն դա ֆուտբոլի մի մասն է: Ես պարզապես շարունակում էի աշխատել և սպասել երկրորդ շանսիս, որից էլ օգտվեցի:
Հետո ինձ համար ամեն ինչ լավ էր ընթանում: Սա վատ տարի չէր: Միգուցե կարող էի ինձ ավելի լավ դրսևորել, բայց առաջին տարվա համար նորմալ է, հաջորդ մրցաշրջանում կձգտեմ ավելին անել:
Դրական եմ տրամադրված, գիտեմ որ ավելիին եմ ունակ: Կշարունակեմ աշխատել և կձգտեմ հաջորդ մրցաշրջանում ավելի շատ գոլեր խփել և գոլային փոխանցումներ կատարել:
«Մանչեսթեր Յունայթեդ»-ը շատ հավակնոտ ակումբ է և միշտ ձգտում է առավելագույնին: Իսկ ինձ դուր է գալիս նոր նպատակներ դնել իմ առջև»,- ասել է Մխիթարյանը: