Երիտասարդ ծանրորդները մեկնեցին Տոկիո
ՍպորտԾանրամարտի Հայաստանի երիտասարդական հավաքականն այսօր մեկնեց Տոկիո՝ մասնակցելու աշխարհի առաջնությանը։ Այս մասին տեղեկացնում է ՀԱՕԿ-ի կայքը:
Մեր թիմի կազմում հանդես կգա երկու աղջիկ՝ Սոնա Պողոսյանը (75 կգ), Արփինե Դալալյանը (+75 կգ), եւ չորս տղա՝ Սիմոն Մարտիրոսյանը, որը կմասնակցի +105 կգ քաշային կարգում, Սամվել Գասպարյանը (105 կգ), Հակոբ Մկրտչյանն ու Դավիթ Հովհաննիսյանը (երկուսն էլ՝ 85 կգ):
Աշխարհի առաջնությունն արդեն մեկնարկել է, կշարունակվի մինչեւ հունիսի 23-ը։