Սասուն Միքայելյանի «միամիտ» անկեղծությունն ու ԵԼՔ-ի պառակտման մեկնարկը
ՎերլուծականԱյն, ինչ տեղի է ունենում ներքաղաքական կաթսայում, մեղմ ասած, ավանդական «բորշչ» է հիշեցնում: Բոլորը խառնվել են իրար, պատկերավոր ասած, շունը տիրոջը չի ճանաչում: Իսկ հիմա ամեն ինչ մանրամասնենք այնպես, ինչպես եղավ:
Սկզբում, երբ ԱԺ-ում քննարկվում էր կառավարության գործունեության ծրագիրը, ԵԼՔ դաշինքի առաջնորդներ Նիկոլ Փաշինյանն ու Էդմոն Մարուքյանը վարչապետից փորձում էին «պոկել» խոսքեր այն մասին, թե ով է լինելու հաջորդ վարչապետը, ըստ էության, հաջորդ առաջնորդը:
Խաչաձև «հարցաքննությունից» և «տուպիկում» հայտնվելուց հետո, Կարեն Կարապետյանը բառացի ասաց, որ ինքը պատրաստ է 2018-ից հետո աշխատել որպես վարչապետ և չի պատրաստվում համոզել Սերժ Սարգսյանին, որպեսզի վերջինս վարչապետ դառնալու որոշում կայացնի:
Նիկոլ Փաշինյանը հաջորդ անգամ, հաջակցություն Կարեն Կարապետյանի հայտարարեց, որ «Ելք դաշինքն էլ չի համոզելու Սերժ Սարգսյանին»:
Իսկ մինչ Փաշինյանը Մուկուչյանից հետաքրքրվում էր, թե Հայաստանում սեքս կա, թե առանց սեքսի են ապրում, տեղի ունեցավ քաղաքական իրական սեքս: Սասուն Միքայելյանը, քաղաքական «ապտակ» հասցրեց Նիկոլ Փաշինյանին: Նախ սկսենք նրանից, որ պատգամավորը նախագահն է այն կուսակցության, որի անդամն է ընդդիմադիր Փաշինյանը՝ «Քաղաքացիական պայմանագրի»: Միքայելյանի այսօրվա «միամտաբար» արված հայտարարությանը ԵԼՔ-ականները փորձում են արդարացում գտնել: Ասում են, թե Միքայելյանը այլ բան է ցանկացել ասել, սակայն ասել է այն, ինչը սառը ցնցուղ էր անգամ Փաշինյանի համար, կամ այլ կերպ ասած` քաղաքական ապտակ:
Հիշեցնենք, որ Միքայելյանը բառացի հայտարարել է, որ ավելի ճիշտ կլինի, եթե վարչապետ դառնա Սերժ Սարգսյանը, որպեսզի վերջապես լիակատար պատասխանատվություն ստանձնի:
Օրվա ընթացքում մամուլի ներկայացուցիչները, Փաշինյանից մեկնաբանություն են խնդրել՝ Միքայելյանի հայտարարության վերաբերյալ, որին ի պատասխան Փաշինյանն ասել է, որ չի մեկնաբանելու:
Ընդդիմադիր դաշտի այս՝ ժամանակից շուտ արված բացահայտումը, կարող է շատ խաղաքարտեր բացել: Առհասարակ, վերլուծաբաններն ու քաղաքագետներն արդեն իսկ համարում են, որ բացահայտվել է՝ Փաշինյանի կողմից սիրված թղթախաղի լեզվով ասած «ջոկերը»:
Չմոռանանք նաև պառակտման վերաբերյալ ՀՀԿ խմբացության ղեկավարի ԵԼՔ-ին արած հորդորը, Վահրամ Բաղդասարյանն ասել էր. «Մի շտապեք՝ սպասեք 2018 թվականին»:
Անհավանական ազնվություն է պետք հավատալու, որ վերը շարադրված դեպքերն ու իրադարձությունները, հայտարարությունները մեկը մյուսի հետ կապ չունեն, և այդ ամենը տեղի էին ունենում ընդամենը ծափերի համար:
Արսեն Սանամյան