00:00
1USD = AMD
1EUR = AMD
1RUB = AMD
Բողոքի ակցիա «Սուրմալու» առևտրի կենտրոնում. ՈւՂԻՂ Հունաստանում ծեծի են ենթարկել Սալոնիկիի 75-ամյա քաղաքապետին (տեսանյութեր) Հայաստանին պետք է կուտակային համակարգ. Մանե Թանդիլյան Աստղագուշակ՝ մայիսի 21-ի համարՄադուրոն վերընտրվել է Վենեսուելայի նախագահի պաշտոնում (տեսանյութ) Օրվա խորհուրդը«Բարսելոնա»-ն հաղթեց, Ինյեստան հրաժեշտ տվեց թիմին (լուսանկարներ, տեսանյութ)Դավիթ Խաչատրյանը պարտվել է տեխնիկական նոկաուտով (տեսանյութ)Պիզելին` գոլային փոխանցման հեղինակ (տեսանյութ)Հայաստանի Մ-16 հավաքականն անցկացնելու է ընկերական հանդիպումներ

Երջանիկ եմ, քանի որ հնարավորություն ենք ձեռք բերել ծառայել հայրենիքին. Բակո Սահակյան

Արցախի Հանրապետության Ազգային ժողովը հուլիսի 19-ին իրավունքի ուժով գումարել է հատուկ նիստ՝ Հանրապետության նախագահի ընտրություն անցկացնելու հարցով. Արցախի Հանրապետության նախագահ է ընտրվել Բակո Սահակյանը։

Ինչպես տեղեկացրին Արցախի Հանրապետության Ազգային ժողովի մամուլի ծառայությունից, բացելով նիստը՝ խորհրդարանի նախագահ Աշոտ Ղուլյանը նշել է, որ Ազգային ժողովի կողմից Հանրապետության նախագահի ընտրությունը սահմանադրական պահանջ է:

«Սահմանադրության 168-րդ հոդվածի պահանջներին համաձայն՝ գործող Հանրապետության նախագահի լիազորությունների ավարտից ոչ շուտ, քան 50 և ոչ ուշ, քան 40 օր առաջ Ազգային ժողովի կողմից, խմբակցությունների առաջարկությամբ, պատգամավորների ընդհանուր թվի ձայների առնվազն երկու երրորդով (22 ձայն) ընտրվում է Հանրապետության նախագահ, որը պաշտոնավարում է մինչև գործող Ազգային ժողովի լիազորությունների ժամկետի ավարտը»,- պարզաբանել է Աշոտ Ղուլյանը:

Սահմանված կարգով և ժամկետներում Հանրապետության նախագահի պաշտոնում ընտրվելու համար առաջադրվել է երկու թեկնածու՝ Էդուարդ Արտավազդի Աղաբեկյանը՝ «Շարժում-88» խմբակցության և Բակո Սահակի Սահակյանը՝ «Հայրենիք», «Դաշնակցություն» և «Ժողովրդավարություն» խմբակցությունների կողմից:

«Շարժում-88» խմբակցության կողմից առաջադրված նախագահի թեկնածու Էդուարդ Աղաբեկյանին ներկայացրել է նույն խմբակցության պատգամավոր Վիլեն Սաֆարյանը: Նա անդրադարձել է թեկնածուի անցած ճանապարհին ու ծավալած գործունեությանը:

Հատուկ նիստի ընթացակարգի համաձայն՝ Էդուարդ Աղաբեկյանը հանդես է եկել ծրագրային ելույթով, որում մանրամասնել է մի շարք հայեցակարգային դրույթներ և առաջիկա տարիների ընթացքում պետության անվտանգության, արտաքին քաղաքականության, ժողովրդագրության, առողջապահության և կրթության ոլորտներում անհրաժեշտ փոփոխությունների շուրջ իր դիտարկումները:

Այնուհետև, Էդուարդ Աղաբեկյանը պատասխանել է պատգամավորների հարցերին՝ տեղական ինքնակառավարման մարմինների արդյունավետության բարձրացման և գիտության, կրթության, մշակույթի հիմնախնդիրների վերաբերյալ:
Շարունակելով աշխատանքները՝ հատուկ նիստի մասնակիցները լսել են «Ժողովրդավարություն», «Հայրենիք», «Դաշնակցություն» խմբակցությունների ներկայացուցիչներին:

Ներկայացնելով Բակո Սահակյանին հանրապետության նախագահի պաշտոնում առաջադրելու «Ժողովրդավարություն» խմբակցության տեսակետը՝ ԱԺ նախագահ Աշոտ Ղուլյանը կարևորել է ներքաղաքական կայունությանը, տնտեսական դինամիկ աճին, օրինականության հաստատմանը, սոցիալական արդարության և համերաշխության ապահովմանը, ռազմական ու արտաքին քաղաքական մարտահրավերները հաղթահարելուն ուղղված գործող նախագահի հետևողական ջանքերն ու արձանագրած հաջողությունները:

«Ես առավել քան համոզված եմ, որ այս խորհրդարանի կողմից անցումային շրջանի նախագահի ընտրությունը լիովին համապատասխանելու է մեր ժողովրդի սպասումներին և արդարացնելու է ժողովրդավարական, անվտանգ ու կայուն պետականություն զարգացնելու նրա ակնկալիքները»,- ընդգծել է Աշոտ Ղուլյանը։

Այնուհետև Բակո Սահակյանի թեկնածությունը ներկայացրել է խորհրդարանական մեծամասնության՝ «Հայրենիք» խմբակցության ղեկավար Արթուր Թովմասյանը:

«Առաջիկայում անելիքները, պետության ու ժողովրդի առջև ծառացած խնդիրները բազմաթիվ են: Այսուհետ կառավարության գործունեության ողջ պատասխանատվությունը կկրի նորընտիր նախագահը: Բայց դա չի նշանակում, թե խորհրդարանում ընդգրկված քաղաքական ուժերը պարտավորությունների իրենց մասնաբաժինը չեն ունենա: Ելնելով վերոնշյալից՝ «Ազատ հայրենիք» կուսակցությունը և նրա խմբակցությունն առաջադրել է, պաշտպանում և աջակցում է գործող նախագահ, նախագահի թեկնածու Բակո Սահակյանին»,-իրենց որոշումն այսպես է հիմնավորել Արթուր Թովմասյանը:

Բակո Սահակյանին առաջադրելու հիմնավորմամբ ելույթ է ունեցել նաև «Դաշնակցություն» խմբակցության անդամ, ԱԺ նախագահի տեղակալ Վահրամ Բալայանը:

«Մենք այսօր մի շարք խնդիրներ ունենք, որոնք պահանջում են լուծումներ. գյուղի և գյուղատնտեսության զարգացում, ՏԻՄ կայացում, կադրային քաղաքականություն, կրթության ոլորտ, առողջապահական համակարգի կատարելագործում: Վստահ ենք, որ նախագահի մեր թեկնածուն ունի կամք, վճռականություն, նպատակասլացություն այս հարցերի լուծումները գտնելու համար»,- պարզաբանել է Վահրամ Բալայանը:

Նիստի հաջորդ հատվածում կատարված աշխատանքների և անելիքների վերաբերյալ ծրագրային ելույթով հանդես է եկել նախագահի թեկնածու Բակո Սահակյանը:

«Անցումային փուլում Հանրապետության նախագահի և Ազգային ժողովի համատեղ աշխատանքի արդյունավետությունից է նաև կախված լինելու, թե ինչպես է մեր երկիրը թևակոխելու կառավարման նոր համակարգի լիարժեք գործունեության շրջան, որի ընթացքում առանցքային հրամայականներից կլինի շարունակել մեր պետության կենսագործունեության բոլոր ոլորտների՝ պաշտպանության, անվտանգության, տնտեսության տարբեր ճյուղերի դինամիկ զարգացումը, քաղաքացիների կենսամակարդակի հետևողական բարձրացումը, ներքաղաքական կայունության պահպանումը, հատկապես, ներկա բարդ աշխարհաքաղաքական պայմաններում: Հաշվի առնելով այս ամենը՝ ես պատրաստ եմ, Ձեր քվեն ստանալու դեպքում, ստանձնել Արցախի Հանրապետության նախագահի լիազորությունները», – ընդգծել է Բակո Սահակյանը:

Այնուհետև տեղի է ունեցել մտքերի փոխանակություն, որի ընթացքում ելույթ են ունեցել պատգամավորներ Արսեն Առստամյանը, Հայկ Խանումյանը, Գագիկ Բաղունցը, Դավիթ Իշխանյանը, Արզիկ Մխիթարյանը, Արպատ Ավանեսյանը և Վարդգես Բաղրյանը:

Ելույթներից հետո, ըստ սահմանված կարգի, ԱԺ հաշվիչ հանձնաժողովը կազմակերպել է Հանրապետության նախագահի գաղտնի քվեարկություն:

Ազգային ժողովի հաշվիչ հանձնաժողովի նիստի արձանագրությունը ներկայացրել է հանձնաժողովի նախագահ Ռամելա Դադայանը. «Քվեարկությանը մասնակցել է 32 պատգամավոր: Առաջադրված թեկնածու Էդուարդ Արտավազդի Աղաբեկյանը քվեարկության ընթացքում ստացել է 4 կողմ և 28 դեմ ձայներ, Բակո Սահակի Սահակյանը՝ 28 կողմ և 4 դեմ ձայներ: Անվավեր քվեաթերթիկ չունենք»:

Խորհրդարանի նախագահը հրապարակել է գաղտնի քվեարկության արդյունքների հիման վրա ընդունված ԱԺ հատուկ նիստի որոշումը:

Ազգային ժողովի նախագահ Աշոտ Ղուլյանը, խորհրդարանի անունից շնորհավորելով նորընտիր նախագահին, համոզմունք է հայտնել, որ առաջիկա տարիներին Արցախի Հանրապետությունը կշարունակի հաստատակամ ու վճռական քայլել ինքնիշխանության ամրապնդման, իրավական, սոցիալական և ժողովրդավարական պետության զարգացման բարդ, բայց և միակ ընդունելի ճանապարհով։

Արցախի Հանրապետության նախագահի պաշտոնում ընտրվելու կապակցությամբ Բակո Սահակյանը շնորհակալություն է հայտնել ներկաներին և նշել. «Երջանիկ եմ, քանի որ հնարավորություն ենք ձեռք բերել ծառայել հայրենիքին»:

դիտվել է 175 անգամ
Լրահոս
21 Մայ
Բողոքի ակցիա «Սուրմալու» առևտրի կենտրոնում. ՈւՂԻՂ Հունաստանում ծեծի են ենթարկել Սալոնիկիի 75-ամյա քաղաքապետին (տեսանյութեր) Հայաստանին պետք է կուտակային համակարգ. Մանե Թանդիլյան Արցախում զինծառայողի մահվան հանգամանքները պարզելու նպատակով քննություն է տարվումԱստղագուշակ՝ մայիսի 21-ի համարԲելգիայի վարչապետը շնորհավորական ուղերձ է հղել Նիկոլ ՓաշինյանինՄադուրոն վերընտրվել է Վենեսուելայի նախագահի պաշտոնում (տեսանյութ) NASA-ի «Մոլորակների որսորդն» առաջին լուսանկարն է արել ուղեծրից (տեսանյութ) Օրվա խորհուրդըԿենդանակերպի 4 նշան, որոնք չեն վախենում նախաձեռնողականություն ցուցաբերել «Բարսելոնա»-ն հաղթեց, Ինյեստան հրաժեշտ տվեց թիմին (լուսանկարներ, տեսանյութ)Ի՞նչ է մասոնությունն իրականում, և արդյո՞ք մենք ամեն ինչ գիտենք նրա մասին «Երեխայի վրա տաշտ են դրել, որ շները չգտնեն, հետո հողով ծածկել են…». Աշտարակցի կինը սպանել է ամուսնու և նրա սիրուհու 3 ամսական երեխային Հրաձգության Հայաստանի երիտասարդական առաջնությունում երեք մարզի լրացրել է սպորտի վարպետի նորման ԱԱԾ պետի ասածը շատերը սխալ են հասկացել Շախմատի Երևանի տղամարդկանց կիսաեզրափակիչ մրցաշարի չեմպիոն է դարձել Էրիկ Չաքրյանը Ավարտվեց Հայաստանի Բարձրագույն խմբի առաջնությունը. Կայացավ պարգևատրման արարողությունը ՀՀ զինված ուժերն անպատասխան չեն թողնի Հայաստանի սահմանի հետ Ադրբեջանի ինժեներական աշխատանքները. Արծրուն Հովհաննիսյան Արցախում զինծառայող է զոհվելՆիկոլ Փաշինյանը՝ Գրետա մայրիկի հոգեհանգստի արարողությանը (տեսանյութ) Դավիթ Խաչատրյանը պարտվել է տեխնիկական նոկաուտով (տեսանյութ)Ամերիկահայ բարեգործը 1 մլն դոլար նվիրաբերելու Գետավանի դպրոցինՊիզելին` գոլային փոխանցման հեղինակ (տեսանյութ)Արտակարգ իրավիճակ ՀՀ տնտեսական զարգացման և ներդրումների նախարարության ազգային կենտրոնի մասնաշենքում (լուսանկարներ)Ն. Փաշինյանը լավ է հասկանում, որ ընտրությունների ժամանակ վճռորոշ դերակատարություն են ունենում նաև թաղային հեղինակությունները Նազենի Հովհաննիսյանը՝ Փարիզում (լուսանկարներ) Պրեմիերա. Սարգիս Ավետիսյան – «Օր օրի» Հարրիի և Մեգան Մարքլի պսակադրության հայտնի հյուրերը (տեսանյութ, լուսանկարներ) Victoria’s Secret-ի հայ մոդել Ռուբինա Խանզադյանի նոր` գայթակղիչ լուսանկարը Հրդեհ Վրացական փողոցում, տուժածներ չկան Անձրևներն ու ամպրոպը կուղեկցվեն քամու ուժգնացմամբ. առանձին շրջաններում կարկուտ կտեղա Հայտնի անհայտության մասինԱրքայազն Ջորջն ու արքայադուստր Շառլոտան գրավել են բոլորի ուշադրությունը (լուսանկարներ) Ահազանգ. «Որսացել» են չթույլատրված գիշատիչ թռչուն Ոլորտին դեռևս ծանոթացող նախարարը... Կարեն Ավագյանը պատասխանում էՎերջ սերիալներին, զբաղվում ենք կրթությամբ. ԿԳ նախարարի կոչը Մենք Թումանյանի, Կոմիտասի, Չարենցի ողբերգությունը կթարգմանենք որպես երջանկություն. Նիկոլ Փաշինյան Ննջի՛ր խաղաղությամբ, մեր սիրելի, անգին Գրետա մայրիկԲաբլոյանը ծննդյան տարեդարձի առթիվ շնորհավորել է հայ մեծ բարերար Լուիզ Սիմոն Մանուկյանին Բակո Սահակյանը ցավակցական հեռագիր է հղել Վազգեն Սարգսյանի մոր՝ Գրետա Սարգսյանի մահվան կապակցությամբ Մալազիայի նախկին վարչապետի տանից ոստիկանությունը 72 ճամպրուկ փող և արժեքավոր իրեր է հայտնաբերել (տեսանյութ)Թրամփը կնոջն ուղղված շնորհավորանքում սխալ է գրել նրա անունը Բանանն էժանացել է56-ամյա քաղաքացին փորձել է ցած նետվել Դավիթաշեն կամրջից Հունաստանում ոչ միայն կղզի, այլ նաև սեփական կատու չունեմ. ՇարմազանովԳրետա Սարգսյանի հոգեհանգստյան արարողության և հուղարկավորության տեղն ու ժամըԷս էլ շակալներից մեկը. Փաշինյանը տեսանյութ է հրապարակելՀայաստանի Մ-16 հավաքականն անցկացնելու է ընկերական հանդիպումներՇաբաթվա լավագույն գոլերը, գոլային փոխանցումներն ու սեյվերը (տեսանյութ)«Այլընտրանք՝ Գերմանիայի համար» կուսակցությունը դիմել է Սահմանադրական դատարան՝ ընդդեմ Անգելա Մերկելի
Ամենադիտված