Ըստ սոցհարցման տվյալների՝ բնակչության հույսը վաչապետն ու ԵՏՄ-ն են
ՀասարակությունՀայաստանում մինջև տարվա վերջ սպասվում է 2,5-3,4% տնտեսական աճ: «Այդ թվերը կանխատեսում են բոլոր հեղինակավոր փորձագետները: Մենք կարծում ենք, որ նման ակնկալիքներ չէր կարող լինել առանց ՀՀ կառավարության աշխատանքի ԵՏՄ-ի շրջանակներում: Կառավարությունը կարողացել է գրանցել մի շարք հաջողություններ ԵՏՄ-ի շրջանակներում վերջին 6 ամիսների ընթացքում»,- այսօր լրագրողների հետ զրույցում ասաց «Ժողովրդի ձայն» ՀԿ-ի փորձագետ Արման Ղուկասյանը:
Բանախոսը նշեց, որ Հայաստանի արտահանումը վերջին 6 ամիսների ընթացքում կազմել է 21%, մասնավորապես՝ պատրաստի ապրանքների, ինչը նշանակում է, որ երկրում նոր աշխատատեղեր են ստեղծվում: Շրջանառությունը 2017թվականի առաջին կիսամյակում կազմել է 12,8%, ինչը բավականին խոստումնալից թիվ է կազմում: «Մենք վստահ ենք, որ կառավարության այսպիսի աշխատանքի արդյունքում մենք կարող ենք 2018 թ.-ին ունենալ բնակչության աճ և արտագաղթի նվազում» - շեշտեց Ղուկասյանը:
«Ժողովրդի ձայն» հասարակական ակումբի մեկ այլ փորձագետ՝ Ծովինար Կոստանյանն իր հերթին, ներկայացրեց երևանաբնակների շրջանում վերջերս անցկացված սոցհարցման արդյունքները, որոնք վկայում են որ հարցվածների 72%-ը չի պատրաստվում բնակություն հաստատել արտերկրում, 19%-ը դժվարացել է պատասխանել այդ հարցին, իսկ 9%-ը հստակ պատասխանել է, որ պատրաստ է հեռանալ Հայաստանից:
Հաջորդ հարցին՝ մոտ ժամանակներս ակնկալո՞ւմ են Հայաստանում բարեփոխումներ սոցիալ-տնտեսական ոլորտում, 79%-ը դրական պատասխան է տվել, 15%-ը դժվարացել է հարցին պատասխանել, 6%-ն էլ ասել է, որ որևէ բարեփոխում չի ակնկալում:
«Որպեսզի պարզենք, թէ հարցմանը մասնակցող ՀՀ քաղաքացիները ինչ գործընթացների հետ են կապում հնարավոր բարեփոխումների իրականացումը, այդ հարցը ևս ներառեցինք հարցաշարի մեջ: Արդյունքում պարզվեց, որ հարցվողների գերակշիռ մասը՝ 62%-ը հույսեր է կապում Կարեն Կարապետյանի կառավարության և 78%-ը՝ ԵՏՄ-ին Հայաստանի անդամակցության հետ: Իսկ ահա հարցվողների 26%-ն այդ բարեփոխումների իրականացումը տեսնում է Հայաստան-ԵՄ հարաբերությունների խորացման մեջ»,- ասաց Կոստանյանը: