Սյունիքում շմոլ գազից երեք մարդ է թունավորվել
ՀասարակությունՀՀ ոստիկանության Սյունիքի մարզային վարչության Գորիսի բաժնում հոկտեմբերի 6-ին հիվանդանոցից հաղորդում է ստացվել, որ «սուր էկզոգեն թունավորում» ախտորոշմամբ իրենց մոտ բուժօգնության են տեղափոխվել 1999 թ. ծնված Արփինե Հ-ն, 1978 թ. ծնված Արմիդա Խ.-ն և 1952 թ. ծնված Ժասմեն Խ.-ն:
Ինչպես տեղեկացրին ոստիկանության լրատվության եւ հասարակայնության հետ կապերի վարչությունից, մեկնած օպերատիվ խումբը պարզել է, որ վերջիններս թունավորվել են հոկտեմբերի 5-ին՝ ժամը 20.30-ի սահմաններում, ջրատաքացուցիչի ծխատարից արձակված շմոլ գազի հետևանքով: Նշանակվել է դատաբժշկական փորձաքննություն: Նախապատրաստվում են նյութեր: