Սյունիքի մարզում բախվել են ВАЗ 2121-ն ու ВАЗ 2107-ը. վիրավորների մեջ դպրոցների տնօրեններ կան
Чрезвычайный случайԵրեկ՝ հոկտեմբերի 6-ին, ավտովթար է տեղի ունեցել Սյունիքի մարզում։
Ժամը 15։20-ի սահմաններում Գորիս-Ստեփանակերտ ավտոճանապարհի 16-րդ կմ հատվածում Սիսիան քաղաքի Գայի փողոցի բնակիչ՝ 38-ամյա Էդգար Հովհաննիսյանը իր վարած ВАЗ 2121 մակնիշի 20 ZZ 221 համարանիշի ավտոմեքենայով դուրս է եկել հանդիպակաց երթևեկելի գոտի և բախվել Սյունիքի մարզի Տեղ գյուղի բնակիչ՝ 40-ամյա Սպարտակ Հայրապետյանի վարած ВАЗ 2107 մակնիշի 18 ԼՍ 759 համարանիշի ավտոմեքենային։
Վթարի հետևանքով վարորդներ Է. Հովհաննիսյանը, Ս. Հայրապետյանը և Է. Հովհաննիսյանի ուղևորներ՝ Գորիսի բնակիչ՝ 21-ամյա Գարիկ Ստեփանյանը տեղափոխվել են Գորիսի բժշկական կենտրոն, իսկ Սիսիան քաղաքի բնակիչ՝ 44-ամյա Սուրեն Շահնազարյանը՝ Աղիտուի զինվորական հոսպիտալ։
shamshyan.com-ի տեղեկություններով՝ վարորդ Է. Հովհաննիսյանը աշխատում է Աշոտավան գյուղի դպրոցի տնօրեն, վիրավորներից Ս. Շահնազարյանը աշխատում է Աղիտուի հիմնական դպրոցի տնօրեն։
Ըստ նախնական տեղեկությունների՝ Է. Հովհաննիսյանը վազանց կատարելիս է եղել։