Մահվան ելքով վրաերթ Հրազդանում. 28-ամյա վարորդը վրաերթի է ենթարկել 45-ամյա հետիոտնին
ՀասարակությունԱյսօր՝ հոկտեմբերի 31-ին, մահվան ելքով վրաերթ է տեղի ունեցել Կոտայքի մարզում: Ժամը 18:10-ի սահմաններում Հրազդան քաղաքի Շահումյան փողոցի բնակիչ, 28-ամյա Էդգար Մուրադյանը իր վարած Honda Elysion մակնիշի 35 NS 957 համարանիշի ավտոմեքենայով Զորավար Անդրանիկի պողոտայում վրաերթի է ենթարկել փողոցը չթույլատրելի հատվածով անցնող Հրազդան քաղաքի Վանատուր թաղամասի բնակչուհի, 45-ամյա Նարինե Գևորգյանին:
Ինչպես հայտնում է աղբյուրը, վարորդը փախուստի չի դիմել, ահազանգել է բժշկական կենտրոն, օգնել է վրաերթի ենթարկվածին տեղափոխել հիվանդանոց, սակայն, ճանապարհին վրաերթի ենթարկվածը մահացել է: Վարորդը այնուհետև մեղայականով ներկայացել է Ոստիկանության Հրազդանի բաժին:
Ավտոմեքենան տեղափոխվում է Ոստիկանության Հրազդանի բաժնի պահպանվող հատուկ տարածք, վարորդն էլ բժշկական կենտրոն՝ պարզելու սթափության աստիճանը:
Մանրամասները՝ shamshyan.com-ում