Տեսանյութ. «Լավ ա, որ ՊԵԿ-ը տենց նախաձեռնություններով ա հանդես գալիս»
EconomyՀՀ կառավարությունը հավանություն տվեց ՀՀ պետական բյուջեի նկատմամբ դրամային պարտավորությունների մասով պարտապանին սնանկ ճանաչելու վերաբերյալ դիմում ներկայացնելուց ձեռնպահ մնալու մասին որոշման նախագծին: ՀՀ պետական եկամուտների կոմիտեի նախագահ Վարդան Հարությունյանը նշեց, որ նախագծով նախատեսվում է ՊԵԿ-ի կողմից մինչև պարտապանին սնանկ ճանաչելու պահանջով դատարան դիմում ներկայացնելը կիրառել ՀՀ օրենսդրությամբ նախատեսված այլ հարկադիր գանձման հնարավորությունները, ինչպես նաև գործող և մասնակի վճարունակ պարտապաններին հնարավորություն ընձեռել առանց լրացուցիչ պարտավորություններով ծանրաբեռնվելու 3-րդ հոդվածի հիմքերը:
Նշված հարցերի կանոնակարգման նպատակով Օրենքի 6-րդ հոդվածի 5-րդ մասի հիմքով մշակված ՀՀ կառավարության որոշման նախագծի շրջանակներում կանոնակարգվել են այն դեպքերը, երբ ՊԵԿ-ի համար սահմանվում է պարտականություն` ՀՀ պետական բյուջեի նկատմամբ հարկերի, տուրքերի, մաքսատուրքերի, այլ պարտադիր վճարների կամ վարչարարությունից ծագած տուգանքների, կամ տույժերի գծով դրամային պարտավորությունների մասով ձեռնպահ մնալ տվյալ պարտապանին սնանկ ճանաչելու վերաբերյալ դիմում դատարան ներկայացնելուց:
ՀՀ վարչապետ Կարեն Կարապետյանը, արձագանքելով նախագծին, ասաց. «Լավ ա, որ ՊԵԿ-ը տենց նախաձեռնություններով ա հանդես գալիս»: