Ոստիկանությունը հրապարակել է Նոր Նորքի շուկայում սպանության մեջ կասկածվող անձի լուսանկարը (տեսանյութ)
ԻրավունքԴեկտեմբերի 22-ին, ժամը 12.00-ին, «Սուրբ Գրիգոր Լուսավորիչ» բժշկական կենտրոնից ոստիկանություն հաղորդում է ստացվել, որ Գայի պողոտայի շուկայից իրենց մոտ է տեղափոխվել 60-ամյա մի տղամարդու դին` «ձախ վերամրակային շրջանի ծակած-կտրած վերք» ախտորոշումով: Այս մասին հայտնում են ՀՀ ոստիկանության մամուլի ծառայությունից:
Մեկնած օպերատիվ խումբը պարզել է, որ նույն օրը, ժամը 11.30-ին, նշված շուկայում տեղի ունեցած վիճաբանության ժամանակ անհայտ անձը սուր կտրող-ծակող գործիքով հարվածել է նրա պարանոցին` պատճառելով մարմնական վնասվածքներ, ինչի հետևանքով տղամարդը մահացել է:
Ձեռնարկվում են միջոցառումներ հանցագործություն կատարած անձին ու հանցագործության գործիքը հայտնաբերելու ուղղությամբ:
Ոստիկանությունը տեսագրության մեջ երևացող անձին ճանաչողներին խնդրում է դիմել ոստիկանության մոտակա բաժին կամ զանգահարել 1-02: