Կրկին զոհ, կրկին անապահով ընտանիքից (լուսանկարներ)
ՀասարակությունՓետրվարի 7-ին Արցախի պահպանության զորամասերից մեկի պահպանության տեղամասում հակառակորդի կողմից արձակված կրամկոցից հրազենային մահացու վիրավորում ստացած ՊԲ զինծառայող 1998 թվականին ծնված Հայկ Քալանթարյանը Տավուշի մարզի Նավուր համայնքի բնակիչ էր: Հայրենիքի հանդեպ պարտքը կատարելու համար բանակ էր զորակոչվել մեկ տարի առաջ:
ԼՈւՐԵՐ.com-ի թղթակցի հետ զրույցում Նավուրի համայնքապետ Արամ Նիգոյանը ասաց, որ բոլորն անհամբեր սպասում էին Հայկի վերադարձին. «Լավ ընտանիքից էր, լավ երիտասարդ, բոլորը սիրում էին նրան: Ապրում էր ծնողների, քրոջ և եղբոր հետ: Ընտանիքի ավագ որդին էր»,- փոխանցեց Նիգոյանը:
Համայնքապետի խոսքով՝ Հայկը փոքր տարիքից օգնել է ընտանիքին. «Ընտանիքը սոցիալական շատ ծանր պայմաններում է ապրում, ճիշտ է այսօր շատերն են վատ վիճակում, բայց իրենց վիճակն շատ ավելի վատ է»,- ասաց համայնքապետը:
Հավելենք՝ ԱՀ նախագահ Բակո Սահակյանի հրամանագրով՝ Արցախի Հանրապետության պետական սահմանը պաշտպանելիս ցուցաբերած արիության համար զինծառայող Հայկ Քալանթարյանը հետմահու պարգևատրվել է «Մարտական ծառայություն» մեդալով։
Սոնա Հարությունյան