Երևանում քաղաքացուն օրվա ընթացքում մի քանի անգամ ծեծել են. նա դանակահարել է ծեծողներից երկուսին
ՀասարակությունՈստիկանության Երևան քաղաքի վարչության օպերատիվ կառավարման կենտրոնից Տաշիրի բաժնում մարտի 18-ին հաղորդում է ստացվել, որ իրենց է զանգահարել անհայտ քաղաքացի և հայտնել, որ Կարեն Դեմիրճյան փողոցի տներից մեկում իրեն ծեծողին դանակով խփել է:
Ինչպես տեղեկացրին ՀՀ ոստիկակության հասարակայնության հետ կապի և լրատվության վարչությունից, նույն օրը, ժամը 01.35-ին, հիվանդանոցից ոստիկանության Տաշիրի բաժնում հաղորդում է ստացվել, որ ժամը 01.30-ին «կրծքավանդակի կտրած-ծակած վերք» ախտորոշմամբ իրենց մոտ է տեղափոխվել 1981 թ. ծնված Ալեքսանդր Պ.-ն:
Մեկնած օպերատիվ խումբը պարզել է, որ նույն օրը, ժամը 00.45-ի սահմաններում, Ալեքսանդր Պ.-ն, 1983 թ. ծնված Արման Բ.-ն և նրա 15-ամյա որդի Կ. Ո.-ն Երևանյան փողոցի թիվ 14 հասցեի մոտ ծեծի են ենթարկել 1987 թ. ծնված Էդգար Մ.-ին, այնուհետև նույն օրը, ժամը 1.00-ի սահմաններում, նշված հասցեում գտնվող գազալցակայանի տարածքում շարունակել են ծեծել նրան, ինչից հետո, ժամը 01.10-ի սահմաններում, Ալեքսանդր Պ.-ն, Արման Բ.-ն և Կ. Ո.-ն ավտոմեքենայով Էդգար Մ.-ին տարել են Լենինի փողոցի տներից մեկը, որտեղ շարունակել են ծեծը:
Ալեքսանդր Պ.-ն հայհոյանքներ է հնչեցրել Էդգար Մ.-ի և նրա մոր հասցեին: Էդգար Մ.-ն, խոհանոցից վերցնելով խոհանոցային դանակը, մի քանի անգամ հարվածներ է հասցրել Ալեքսանդր Պ.-ի կրծքավանդակին, մեկ անգամ հարվածել Կ.Ո.-ի պարանոցին՝ նրանց պատճառելով վնասվածքներ: Ալեքսանդր Պ.-ն և Էդգար Մ.-ն բերման են ենթարկվել: Էդգար Մ.-ն ձերբակալվել է: Նշանակվել է դատաբժշկական փորձաքննություն:
Կատարվում է քննություն: