Լոնդոնում մոտոցիկլետներով և մաչետեով զինված բանդան շվեյցարական թանկարժեք ժամացույցների խանութ է կողոպտել (տեսանյութ)
ՏեսանյութերՄոտոցիկլետներով, մաչետեով զինված բանդան Լոնդոնի կենտրոնում կողոպտել է շվեյցարական թանկարժեք ժամացույցների խանութը, հայտնում է Evening Standard պարբերականը:
Պարբերականի տրամադրության տակ հայտնված տեսանյութում սաղավարտներով եւ դիմակներով 5 մարդուց կազմված զինված բանդան գրոհում է խանութի վրա: Երկու չարագործներ մտնում են խանութ, իսկ մյուսները նրանց վերադարձին են սպասում փողոցում: Այնուհետեւ հանցակիցները խանութից դուրս են վազում պարկերով, եւ ամբողջ բանդան հապշտապ հեռանում է հանցագործության վայրից, ընդ որում՝ մայթին թողնելով մոտոցիկլետը եւ մուրճը:
«Քննության վաղ փուլում կարծում են, որ մի քանի մարդ մոտոցիկլետներով, հնարավոր է՝ զինված մետաղական ձողերով, խուժել են խանութ, ենթադրաբար՝ ապրանք են գողացել»,- հայտարարել է Լոնդոնի ոստիկանության ներկայացուցիչը:
Նա նշել է, որ նախնական տեղեկություններով՝ կողոպուտի հետեւանքով ոչ ոք չի տուժել: