Բոլորիս հույսն է՝ Արցախի կարգավորումը լինի շատ շուտով. ԱԳ նախարար
ՔաղաքականԱրտաքին գործերի նախարար Զոհրաբ Մնացականյանն այսօր, լրագրողների հետ զրույցում խոսելով Ստեփանակերտին բանակցությունների սեղանի շուրջ վերադարձնելու հնարավորության մասին, նշեց, որ մեր ներկայիս կարևորագույն նպատակն է ներգրավվել բանակցությւոնների մեջ բացառապես Մինսկի խմբի համանախագահության շրջանակներում:
Դիտարկմանը՝ Թրամփը նշել է, որ առաջիկա ամիսները կարող են Արցախի խնդրի լուծման համար հարմար առիթ լինել, նախարարը պատասխանեց.
«Մեր բոլորի հույսն է, որ կարգավորումը լինի շատ շուտով։ Այն պետք է արտահայտի մեր շահերը, մեր ձգտումները, մեր նպատակները, և բնական է՝ մենք խոսում ենք կոմպրոմիսի մասին, բայց դրա հիմքում դրված է առաջին հերթին մեր շահերի և նպատակների արտահայտությունը, որի հիմքում Արցախի ժողովրդի ազատ ինքնորոշման իրավունքն ու անվտանգությունը»,-ասաց Մնացականյանը՝ ընդգծելով, որ ներկայիս կարևորագույն հարցը բանակցությունների դինամիկան պահպանել է։
Արդյոք հնարավո՞ր է հանդիպում Մամեդյարովի հետ հարցին ի պատասխան՝ նախարարն ասաց, որ հանդիպումը հնարավորության հարց չէ, այլ բանակցությունների էություն է, այն բանակցությունների ձևաչափի մեջ տեղավորվող գործընթաց է:
Անդրադառնալով Եվրամիության հետ Հայաստանի հարաբերություններին, ԱԳ նախարարը նշեց. «Մենք արդեն գրանցել ենք բավականին մեծ առաջընթաց, կարևոր հանգրվանի ենք հասել: Մեր ներկայիս կարևորությունը տրվում է փաստաթղթի դրույթների իրականացմանը և գիտեք, որ հունիսի մեկից մենք անցնում ենք արդեն ժամանակավոր կիրառման, որն արդեն հնարավորություն է տալիս մեզ սկսել իրագործել, կյանքի կոչել փաստաթուղթը», - նշեց նախարրը։