Ապագայում կունենանք «երջանիկ Հայաստան». փորձագետը՝ «ՀԵՊ» առարկայի վերաբերյալ թեժ քննարկումների մասին

«Հայոց եկեղեցու պատմություն» առարկան դպրոցական ծրագրից հանելու թեման հանրային թեժ քննարկումների առանցքում է: Կրթության, գիտության, մշակույթի և սպորտի նախարարությունը քննարկման է ներկայացրել հանրակրթության պետական չափորոշիչների մասին նախագիծը:  

ԿԳՄՍՆ փոխնախարար Ժաննա Անդրեասյանը, անդրադառնալով «Հայոց եկեղեցու պատմություն» առարկայի վերաբերյալ քննարկումներին, նշել է. «Բազմիցս ասել ենք՝ եկեղեցու մասին գիտելիքը, ինչպես նաև արժեհամակարգային բաղադրիչների դպրոցից հանելու որևէ խնդիր դրված չի, խոսքը դրա մատուցման մանկավարժական ամբողջական և ինտեգրված մոտեցման մասին է»:

Այս թեմայով ԼՈՒՐԵՐ.com-ը զրուցել է կրթության փորձագետ Ատոմ Մխիթարյանի հետ: Փորձագետը հիշում է, որ «Հայոց եկեղեցու պատմությունը» դպրոցական ծրագրից հանելու միտումը վաղուց կար. «Բազմաթիվ խոսակցություններ  եղան, հասարակական դժգոհություն եղավ, ալիք ստեղծվեց, հետո, կարծես թե, մոռացան այդ մասին: Հիմա խոսակցություններն ու քննարկումները վերսկսվել են»: 

Մխիթարյանը կարծում է, որ ծրագիրը միտված է ազգային  մտածողության հիմքերը խարխլելուն: «Եթե նույնիսկ  «Հայոց եկեղեցու պատմություն» առարկան ինտեգրվի «Հայ ժողովրդի պատմությանը», ապա պետք է դասաժամերն ավելացնել»,- ասում է փորձագետը, ապա հավելում. «Ընդհանրապես հանելը, իհարկե, անթույլատրելի է, և դա միայն իմ կարծիքը չէ. բազմաթիվ փորձագետներ, ծնողներ, ուսուցիչներ դեմ են դրան, որովհետև հետևանքներն էլ կարող են շատ անկանխատեսելի լինել»:

Փորձագետը նշում է, որ անհրաժեշտ է հայեցակարգային մոտեցում ցուցաբերել, հասկանալ այն չափորոշիչները, որոնցով պետք է դասավանդվի,  այդ չափորոշիչների ձևավորման և քաղաքացու ձևավորման գործում «Հայոց եկեղեցու պատմություն» առարկայի դերը:

«Եթե ընդհանրապես հանվի, նշանակում է՝ թվարկված չափանիշներին հակասող որոշում կլինի. սրա համար պետք է  հասկանալ, թե երեխան ազգային արժեքների վրա ինչքան ժամանակ է ծախսում ուսումնառության ընթացում, հետո դա բաժանել հայագիտական առարկաների»,- կարևորում է փորձագետը և հավելում. «Հոգևորականները ևս պետք է իրենց ներդրումն ունենան, մասնավորապես դասագրքերի կազմման, ինչու չէ նաև ուսուցման գործընթացում»:

Նշենք, որ ըննդեմ նախագծի սկսվել են ստորագրահավաքներ և ֆեյսբուքյան քվեարկություններ: Փորձագետից հետաքրքրվեցինք՝ արդյոք դրանք կարող են ազդել նախագծի վերաձևակերպման կամ չեղարկման վրա. «Դա կարող է լինել ճանապարհներից մեկը. հուսանք, որ փորձագետների քննարկումներն ու կարծիքները չեն անտեսվի, ինչպես միշտ ամեն ինչ չի արվի գաղտնի, փակ դռների հետևում»,- ասում է Մխիթարյանը` ընդգծելով. «Մենք կրթական համակարգում  ոչ միայն գիտելիքներ ենք փոխանցում, այլև դաստիարակում ենք քաղաքացի և ապագա մտավորական, եթե նրանց կտրում ենք ազգային հիմքից, նրանք դառնում են ապազգային մտավորական: Քայլերը ցույց են տալիս, որ որոշում կայացնողները ուզում են, որ հենց այդպիսի ուղով գնանք. ապագայում կունենանք «երջանիկ Հայաստան»»:

Փորձագետը եզրափակում է, որ որոշումը քննարկողներն ու  ընդունողները պետք է հաշվի առնեին Հայ առաքելական եկեղեցու կարծիքը:

Այս թեմայով Ինչ կապ ունեն Եկեղեցու դեմ արշավի առաջամարտիկները Սորոսի հիմնադրամի հետ Այս արշավը մեր բոլորի դեմ է. Եկեղեցու կողքին պետք է լինեն նաև եկեղեցի կառուցած մեր ազդեցիկ հայերը. Վահե Հովհաննիսյան Բագրատ Սրբազանի ուղեկցությամբ ցուցարարները բարձրացան Եկեղեցի, նկարահանում թույլ չտրվեց «Ո՞վ կարող է Եկեղեցու դռները փակել մեր առջև` ոչ ոք», «Տարածքը փակ է, 1 ժամից կարող եք Եկեղեցի գնալ» (տեսանյութ) Ո՞նց եք մեր եկեղեցին թողնում թուրքին, յոթերորդ դարի եկեղեցի է․ տավուշցիներ (տեսանյութ) Չի կարող 7-րդ դարի եկեղեցի լինի և 1մետր այն կողմ լինի Ադրբեջան (տեսանյութ) Թուրքիայում ևս մեկ հայկական եկեղեցի է հանվել վաճառքի Նորանոր հաղթանակներ կարողանանք այս խաչի զորությամբ ունենանք. Աշոտ Երկաթի խաչը` հրապարակում (տեսանյութ) Շատ ենք հեռացել Եկեղեցուց, թող հայրենասիրության, ազգային արժեքների, ինքնության Հարություն լինի (տեսանյութ) Քննարկվել է Հայ Առաքելական և Վրաց Ուղղափառ եկեղեցիների միջև բազմադարյա համագործակցության պահպանումը