«Մենք ուզում ենք, որ մեր տղաներին բաց թողեն». Թորիա գյուղի բնակիչների ակցիան Ախալքալակում

Այսօր Ախալքալաքի ոստիկանության շենքի դիմաց Թորիա գյուղի բնակիչները բողոքի ակցիա էին անցկացնում: Նրանք պահանջում են ազատ արձակել ձերբակալված երիտասարդներին, որոնց նկատմամբ այսօր դատարանը որպես խափանման միջոց է ընտրել նախնական կալանքը:

Այսօր, օգոստոսի 26-ին Ախալքալաքի շրջանային դատարանում տեղի է ունեցել Նինոծմինդայի շրջանի Թորիա գյուղի արոտավայրերում տեղի ունեցած ծեծկռտուքի գործով դատական նիստ, որն անցել է օնլայն համակարգով: Բերման ենթարկվածների նկատմամբ կիրառվել է երկամսյա նախնական կալանք:

«Մենք ուզում ենք, որ մեր տղաներին բաց թողեն: Մեզ ասել էին, որ բաց կթողեն, բայց բանից պարզվում է 2 ամիս կալանքի տակ են թողնելու: Մեր պահանջն է, որ ազատ արձակեն երիտասարդներին, որովհետև իրենք անչափահաս երեխայի են պաշտպանել: Խոտհունձի ժամանակ խնդիր է առաջացել, թուրքերը հարձակվել են մեր վրա: Թուրքերն անչափահաս երեխային ծեծել են»,- Jnews-ի հետ զրույցում ասաց բողոքի ակցիայի մասնակիցներից մեկը:

Առավոտվանից մինչև ժամը 15:00-ն Թորիա գյուղի բնակիչները Ախալքալաքի ոստիկանության շենքի դիմաց սպասում էին դատարանի որոշմանը: Ըստ գյուղացիների, Նինոծմինդայի տեղական իշխանություններն իրենց խոստացել են, որ Թորիա գյուղից բերման ենթարկված 3 երիտասարդներին ազատ կարձակեն, սակայն դատարանը կալանավորոելու որոշում է ընդունել:

«Առավոտյան ժամը 9-ից նստած ենք, ոչ մի ոստիկան մեզ մոտ չի մոտեցել, ոչինչ չէին ասում, ժամը երեքի կողմերը եկան ասացին, որ մեր տղաներին երկու ամսով կալանավորում են, այսքան բան: Նինոծմինդայի քաղաքապետը մեզ խոստացավ, որ մեր տղաներին 48 ժամ հետո բաց կթողեն, բայց ինչպես տեսնում եք, նրանց ձերբակալեցին»,- ասաց Ախալքալաքի ոստիկանության շենքի դիմաց հավաքվածներից մեկը:

Թորիա գյուղի բնակիչները JNEWS-ի հետ զրույցում ասացին, որ օգոստոսի 23-ի ծեծկռտուքի մասնակիցներն ազատ շրջում են Նինոծմինդայում:

«Ամբողջ շրջանում, բոլորը նշում են, որ թուրքերն իրենց նեղում են: Թող երկու շրջանը ոտքի կանգնի, որ այս խնդրին պետք է լուծում տրվի, թե չէ մի գյուղը բան չի փոխի: Ընտրության ժամանակ ասում են, ու՞ր են թորիացիները, դե հիմա թող գան պաշտպանեն: Ավազակապետն ազատ շրջում է Նինոծմինդայում»,- ասաց բողոքի ակցիայի մասնակիցներից Խաչատուրը:

«Իմ որդին ձեռքից հաշմանդամ է, թուրքն իրեն խփել է, կասեք թուրքն ո՞վ է, որ գա իմ արտում խփի, իմ որդուն: Մեր պապական 100 տարվա հողերը գնացել ենք քաղելու, թուրքն ասում է չպիտի քաղես: Ոստիկանությունը մեզ համոզելով բերեց հասցրեց այստեղ», – նշեց մեկ այլ մասնակից:

Թորիա գյուղի բնակիչներն Ախալքալաքի ոստիկանության շենքի դիմացից հեռացան պայնամով, որ 4-5 օրից տղաներին ազատ կարձակեն, իսկ հակառակ պարագայում թորեացիներն այլ քայլերի կդիմեն:

Հիշեցնենք, որ օգոստոսի 23-ին Նինոծմինդայի շրջանի Թորիա գյուղի բնակիչների և եկվոր ադրբեջանցիների միջև կռիվ է եղել: Բանն այն է, որ եկվորներն իրենց ոչխարներին արածեցրել են գյուղացիներին պատկանող քաղելավայրերում, իսկ գյուղացիները դուրս են քշել անասուններին, որից հետո սկսվել է ծեծկռտուք:

Վրաստանի ներքին գործերի նախարարությունը հետաքննություն է սկսել ՔՕ-ի 126-րդ հոդվածի առաջին պրիմա մասով, բ և գ ենթակետրով, ինչը ենթադրում է բռնություն: Ինչպես նաև ՔՕ-ի 225-րդ հոդվածի երկրորդ մասով, որը նշանակում է խմբակային բռնության կազմակերպում, ղեկավարում և այդ ամենին մասնակցություն:

Այս թեմայով Թող իրենց ակցիան իրականացնեն, ոստիկանությունը ի՞նչ է անում. ոստիկանապետ (տեսանյութ) ՈՒՂԻՂ․ Բագրատ սրբազանի գլխավորած շարժման բողոքի ակցիան Ազգային օպերայի շենքի մոտ ՔԿ-ն հրապարակել է Դոն Պիպոյի լուսանկարը՝ պնդելով, թե հավաքի մասնակիցներին նյութապես շահագրգռել են Բողոքի ակցիայի մասնակից է ձերբակալվել՝ Երևանում առերևույթ խուլիգանություն կատարելու կասկածանքով. ՔԿ Ամոթ, խայտառակություն․ ոստիկանները բիրտ ուժ կիրառելով բերման են ենթարկում խաղաղ անհնազանդության ակցիա իրականացնող քաղաքացիներին (տեսանյութ) Քաղաքացիները մետրոյի տարբեր կայարաններում ակցիաներ են իրականացնում (տեսանյութ) ԵՊՀ-ի Արհմիությունը կոչ է անում ԵՊՀ բոլոր դասախոսներին և աշխատողներին միանալ համազգային բողոքի և խաղաղ անհնազանդության միջոցառումներին «Փաշինյա´ն,հեռացի´ր». բողոքի ակցիաներ մայրաքաղաքում Դասադուլն ավանդական և թույլատրելի կոլեկտիվ բողոքի գործողություն է, որը պաշտպանված է Սահմանադրությամբ Թբիլիսիում վերսկսվել են բողոքի ցույցերը խորհրդարանի դիմաց (տեսանյութ)